Sigga Beinteins og Páll Óskar gestir Ingó í næsta þætti af Í kvöld er gigg

Ása Ninna Pétursdóttir skrifar 24. september 2020 21:15

Áhorfendur Stöðvar 2 mega búast við mikilli veislu annað kvöld að sögn Ingó Veðurguðs en gestir þáttarins eru hin einu sönnu Sigríður Beinteinsdóttir og Páll Óskar Hjálmtýsson. Aðsend mynd

Það er óhætt að segja að annað kvöld verði blásið til heljarinnar tónlistarveislu á dagskrá Stöðvar 2. Einir ástsælustu söngvarar þjóðarinnar, þau Sigríður Beinteinsdóttir og Páll Óskar Hjálmtýsson, verða gestir Ingó Veðurguðs í skemmtiþættinum Í kvöld er gigg.

Ingó fær Siggu og Palla til að syngja með sér nokkur af sínum uppáhalds dægurlögum og segir hann að áhorfendur Stöðvar 2 geta búið sig undir sannkallaða veislu.

Ég stóð mig að því í miðjum þætti að horfa á þau og hugsa: Vá, nú skil ég afhverju þau eru Sigga Beinteins og Páll Óskar, þvílíkar goðsagnir! Palli tók yfir stjórnina á þættinum, Sigga var í banastuði og ég spilaði bara á gítarinn og hló og brosti til skiptis. Þetta var fullkomlega áreynsluslaust.

Páll Óskar og Sigga heilluðu salinn upp úr skónum í öðrum þætti af Í kvöld er gigg með Ingó. Þátturinn verður á dagskrá Stöðvar 2 annað kvöld kl. 18:55.Aðsend mynd

Húshljómsveitina skipa þeir Steindór Gíslason á bongótrommum, Björn Ionut Kristinsson á saxófón og Einar Örn Jónsson á píanó.

Húshljómsveitin gaf ekkert eftir og var í banastuði. Aðsend mynd

Tónlist Bíó og sjónvarp

Tengdar fréttir

Sjáðu gæsahúðarflutning Jóhönnu Guðrúnar á laginu I Will Always Love You

Jóhanna Guðrún sló rækilega í gegn með stórkostlegum flutningi sínum á laginu I Will Always Love you í fyrsta þættinum af Í kvöld er gigg. Umsjónamaður þáttarins er Ingó Veðurguð og voru fyrstu gestirnir söngdívurnar Jóhanna Guðrún og Sverrir Bergmann.

18. september 2020 19:54

Hjartnæmur flutningur Sverris Bergmann og Jóhönnu Guðrúnar á laginu Shallow

Síðasta föstudagskvöld var fyrsti þátturinn af Í kvöld er gigg sýndur en þetta er fyrsti þátturinn af sex. Þættirnir eru í umsjón Ingó Veðurguðs og fékk hann söngdívurnar Sverri Bergmann og Jóhönnu Guðrúnu til að syngja með sér sín uppáhalds dægurlög.

20. september 2020 21:22

„Ég og Sverrir smullum saman sem vinir svo það varð að verða eitthvað samstarf“

„Mér finnst mjög skemmtilegt að gera grín að þér og skjóta á þig,“ sagði Jóhanna Guðrún við Sverri Bergmann þegar þau rifja upp söguna af því hvernig það varð til að þau byrjuðu að vinna saman.

22. september 2020 20:42

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.