Ekki mikill kostnaðarmunur á að reisa nýja höll fyrir 5.000 eða 8.600 áhorfendur Atli Ísleifsson skrifar 18. september 2020 16:01 Starfshópurinn segir æskilegast að nýr þjóðarleikvangur fyrir inniíþróttir verði í Laugardalnum. Vísir/Vilhelm Ekki er mikill munur á kostnaði við byggingu þjóðarleikvangs fyrir innanhússíþróttir, sem ætlaður er fyrir 8.600 áhorfendur annars vegar og fimm þúsund áhorfendur hins vegar. Er munurinn áætlaður vera um 800 milljónir króna. Þá þykir æskilegast er að nýr þjóðarleikvangur rísi í Laugardalnum í Reykjavík, en engin íþróttahöll á landinu uppfyllir nú alþjóðlegar kröfur sem gerðar eru til sérsambanda vegna alþjóðlegra keppna eða landsleikja í handbolta og körfubolta. Laugardalshöllin kemst nú næst því, en nauðsynlegt þykir að byggja nýtt mannvirki þar sem breytingar á þeim húsum sem til eru fyrir einstaka viðburði er bæði of kostnaðarsöm og ekki lausn til framtíðar. Þetta er meðal þess sem fram kemur í skýrslu starfshóps menntamálaráðherra, með aðkomu borgarinnar, og ætlað var að gera tillögur um þjóðarleikvang fyrir inniíþróttir. Skýrslan var lögð fyrir borgarráð í gær. Þrjár mögulegar staðsetningar í Laugardal Starfshópurinn kannaði nokkra mögulegar staðsetningar fyrir nýjan þjóðarleikvang fyrir inniíþróttir – þar á meðal Framsvæðið við Safamýri, Vetrarmýrina í Garðabæ, og Hlíðarenda – en var sammála um Laugardal sem fyrsta val. Mörg svæði í Laugardalnum eru sögð geta borið hús af þessari stærðargráðu og eru þar nefnd svæði vestan við svæði Þróttar og svo lóð sem liggi samhliða Suðurlandsbraut, bæði austan við Laugardalshöll svo og lóð milli Suðurlandsbrautar og Laugardalshallar. Laugardalshöllin var teiknuð af Gísla Halldórssyni arkitekt og reist af Reykjavíkurborg og Íþróttabandalagi Reykjavíkur. Hún var vígð 6. desember árið 1965.Vísir/Vilhelm Starfshópurinn leggur áherslu á nýtt hús yrði hannað með það að leiðarljósi að það uppfylli þörf fyrir stærri menningarviðburði, svo sem tónleika eða aðra menningarviðburði. Sömuleiðis að húsið gæti nýst sem sýningar- og ráðstefnuhús án mikils auka kostnaðar. Litið til húss í Þrándheimi Starfshópurinn lagði upp með að húsið yrði annaðhvort fyrir fimm þúsund áhorfendur eða rúmlega 8.000 áhorfenda hús sem myndi byggja á fyrirmynd frá Þrándheimi. „Minna húsið fyrir 5.000 áhorfendur uppfyllir í dag allar kröfur til stærðar fyrir keppnishús. Hins vegar ef litið er til framtíðar og þeirrar þróunar sem hefur orðið í auknum kröfum til áhorfendafjölda bendir allt til að sú þróun muni halda áfram. Stærra hús myndi leysa án mikils aukakostnaðar húsnæðisþörf til langrar framtíðar auk þess að gefa meiri möguleika á nýtingu til menningarviðburða. Úr íþróttahöllinni Spektrum í Þrándheimi sem starfshópurinn leit sérstaklega til. Spilaðir voru leikir á EM í handbolta fyrr á árinu í höllinni.Getty Athygli vekur að samkvæmt kostnaðarútreikningi er ekki mikill munur á byggingu húss fyrir 8.600 áhorfendur og fyrir 5.000 áhorfendur eða um 800 milljónir króna,“ segir í skýrslunni. Tekur ekki afstöðu Heildarkostnaður við hús sem tæki 8.600 áhorfendur er í skýrslunni áætlaður 8,7 milljarðar króna, borið saman við 7,9 milljarða króna fyrir hús sem tæki fimm þúsund áhorfendur. Grunnflötur slíkra húsa væri í svipaður í báðum tilfellum, um 19 þúsund fermetrar, en hús sem tæki 8.600 áhorfendur væri fjórum metrum hærra en smærri kosturinn. Rekstrarkostnaður stærra hússins er áætlaður 341 milljónir króna á ári, en rekstrarkostnaður smærra hússins 324 milljónir á ári. „Starfshópurinn tekur ekki afstöðu til þess hvort byggt sé 5.000 áhorfenda hús eða stærra. Hins vegar verður að horfa til þess að aukakostnaður er ekki mikill og fleiri nýtingarmöguleikar felast í stærra húsi. Starfshópurinn leggur jafnframt til að við staðarval, hönnun og byggingu hússins verði gert ráð fyrir mögulegri stækkun síðar til að mæta auknum kröfum,“ segir í niðurstöðukafla skýrslunnar. Aðkoma bæði ríkis og borgar Lilja D. Alfreðsdóttir menntamálaráðherra og Dagur B. Eggertsson borgarstjóra hafa óskað eftir því að hópurinn starfi áfram og vinni ítarlega rekstar- og tekjuáætlun fyrir verkefnið. Í starfshópnum áttu sæti fulltrúar frá HSÍ, KKÍ, mennta- og menningarmálaráðuneytisins, Reykjavíkurborg og ÍSÍ. Starfshópurinn telur eðlilegt sé að kostnaði og rekstri mannvirkisins yrði skipt á milli ríkis og Reykjavíkurborgar. Ljóst sé að stærstur hluti starfseminnar – almennt íþróttastarf og kennsla – muni verða á vegum eða á kostnað sveitarfélagsins. „Því þykir eðlilegt að sveitarfélagið byggi mannvirkið og taki ákvörðun um rekstrarfyrirkomulag. Hins vegar er um að ræða starfsemi sem tengist íþróttalandsliðum og uppfyllingu alþjóðlegra krafna svo unnt sé að keppa á alþjóðvettvangi hér á landi og því er aðkoma ríkisins nauðsynleg. Aðkoma ríkisvaldsins getur orðið með ýmsum hætti. Ríkisvaldið getur komið beint að byggingu mannvirkisins með beinum fjárframlögum (stofnkostnaði) án eignarhlutdeildar en með kvöð um ákveðna nýtingu mannvirkisins sem og með styrkjum vegna æfingatíma og leikja landsliða. Allt byggir þetta á samtali milli ríkis og borgar um bestu lausnina.“ Reykjavík Skipulag Handbolti Körfubolti Mest lesið Getur varla gengið lengur Sport Mynd af yngstu dóttur Kobe Bryant vekur lukku Körfubolti Kristófer opnar sig um ágreininginn: „Vonbrigði og vanvirðing“ Körfubolti Shaq lofar að mæta í kjól ef Gobert verður valinn Körfubolti Shearer öskureiður: „Þetta er bara fáránlegt“ Enski boltinn Barcelona biður UEFA um leyfi Fótbolti Sagt að hann spili ekki aftur meðan Craig er með liðið Körfubolti Segir Messi ákaflega ósáttan með leikbannið Fótbolti Mættur aftur tuttugu árum seinna Körfubolti Dagskráin: Fyrsti leikurinn á nýja KR-vellinum, ensk félög í beinni og formúla Sport Fleiri fréttir Kristófer opnar sig um ágreininginn: „Vonbrigði og vanvirðing“ Segir Messi ákaflega ósáttan með leikbannið Getur varla gengið lengur Dagskráin: Fyrsti leikurinn á nýja KR-vellinum, ensk félög í beinni og formúla Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Mættur aftur tuttugu árum seinna Shearer öskureiður: „Þetta er bara fáránlegt“ Aukaspyrnumark Oumars tryggði Njarðvík stig í toppslagnum „Það er ástæða fyrir því að ég vildi snúa aftur “ „Ótrúlegt að við skyldum ekki klára leikinn fyrr“ Barcelona biður UEFA um leyfi Uppgjör: FH - Fram 3-1 | FH-konur upp i annað sætið Keflvíkingar klúðruðu víti á nítugustu mínútu Dan Burn hjá Newcastle: Verðum svekktir ef Alexander Isak fer Ísak aftur með frábæra innkomu Annað risastórt kvennahandboltafélag gjaldþrota Messi dæmdur eftir allt saman í bann fyrir skrópið Gyökeres í flugvél á leið til London Leik lokið: Víkingur - Stjarnan 2-1 | Víkingar galopna fallbaráttuna í fyrsta leik undir nýrri stjórn Strákarnir brunuðu í úrslitaleikinn Anton Sveinn og Laufey Rún stálu senunni í Nauthólsvík „Hef mikla trú að það muni ganga upp núna“ Venus úr leik í Washington „Auðvitað skoraði Orri, hann skorar alls staðar“ FH leysir loks úr markmannsmálunum Orri Steinn með tvennu í Japan Sádarnir spenntir fyrir Antony Sjáðu stoðsendingar Öglu, hetjudáðir Fanndísar og Birgittu refsa grimmt Newcastle íhugar að kaupa Sesko Sjá meira
Ekki er mikill munur á kostnaði við byggingu þjóðarleikvangs fyrir innanhússíþróttir, sem ætlaður er fyrir 8.600 áhorfendur annars vegar og fimm þúsund áhorfendur hins vegar. Er munurinn áætlaður vera um 800 milljónir króna. Þá þykir æskilegast er að nýr þjóðarleikvangur rísi í Laugardalnum í Reykjavík, en engin íþróttahöll á landinu uppfyllir nú alþjóðlegar kröfur sem gerðar eru til sérsambanda vegna alþjóðlegra keppna eða landsleikja í handbolta og körfubolta. Laugardalshöllin kemst nú næst því, en nauðsynlegt þykir að byggja nýtt mannvirki þar sem breytingar á þeim húsum sem til eru fyrir einstaka viðburði er bæði of kostnaðarsöm og ekki lausn til framtíðar. Þetta er meðal þess sem fram kemur í skýrslu starfshóps menntamálaráðherra, með aðkomu borgarinnar, og ætlað var að gera tillögur um þjóðarleikvang fyrir inniíþróttir. Skýrslan var lögð fyrir borgarráð í gær. Þrjár mögulegar staðsetningar í Laugardal Starfshópurinn kannaði nokkra mögulegar staðsetningar fyrir nýjan þjóðarleikvang fyrir inniíþróttir – þar á meðal Framsvæðið við Safamýri, Vetrarmýrina í Garðabæ, og Hlíðarenda – en var sammála um Laugardal sem fyrsta val. Mörg svæði í Laugardalnum eru sögð geta borið hús af þessari stærðargráðu og eru þar nefnd svæði vestan við svæði Þróttar og svo lóð sem liggi samhliða Suðurlandsbraut, bæði austan við Laugardalshöll svo og lóð milli Suðurlandsbrautar og Laugardalshallar. Laugardalshöllin var teiknuð af Gísla Halldórssyni arkitekt og reist af Reykjavíkurborg og Íþróttabandalagi Reykjavíkur. Hún var vígð 6. desember árið 1965.Vísir/Vilhelm Starfshópurinn leggur áherslu á nýtt hús yrði hannað með það að leiðarljósi að það uppfylli þörf fyrir stærri menningarviðburði, svo sem tónleika eða aðra menningarviðburði. Sömuleiðis að húsið gæti nýst sem sýningar- og ráðstefnuhús án mikils auka kostnaðar. Litið til húss í Þrándheimi Starfshópurinn lagði upp með að húsið yrði annaðhvort fyrir fimm þúsund áhorfendur eða rúmlega 8.000 áhorfenda hús sem myndi byggja á fyrirmynd frá Þrándheimi. „Minna húsið fyrir 5.000 áhorfendur uppfyllir í dag allar kröfur til stærðar fyrir keppnishús. Hins vegar ef litið er til framtíðar og þeirrar þróunar sem hefur orðið í auknum kröfum til áhorfendafjölda bendir allt til að sú þróun muni halda áfram. Stærra hús myndi leysa án mikils aukakostnaðar húsnæðisþörf til langrar framtíðar auk þess að gefa meiri möguleika á nýtingu til menningarviðburða. Úr íþróttahöllinni Spektrum í Þrándheimi sem starfshópurinn leit sérstaklega til. Spilaðir voru leikir á EM í handbolta fyrr á árinu í höllinni.Getty Athygli vekur að samkvæmt kostnaðarútreikningi er ekki mikill munur á byggingu húss fyrir 8.600 áhorfendur og fyrir 5.000 áhorfendur eða um 800 milljónir króna,“ segir í skýrslunni. Tekur ekki afstöðu Heildarkostnaður við hús sem tæki 8.600 áhorfendur er í skýrslunni áætlaður 8,7 milljarðar króna, borið saman við 7,9 milljarða króna fyrir hús sem tæki fimm þúsund áhorfendur. Grunnflötur slíkra húsa væri í svipaður í báðum tilfellum, um 19 þúsund fermetrar, en hús sem tæki 8.600 áhorfendur væri fjórum metrum hærra en smærri kosturinn. Rekstrarkostnaður stærra hússins er áætlaður 341 milljónir króna á ári, en rekstrarkostnaður smærra hússins 324 milljónir á ári. „Starfshópurinn tekur ekki afstöðu til þess hvort byggt sé 5.000 áhorfenda hús eða stærra. Hins vegar verður að horfa til þess að aukakostnaður er ekki mikill og fleiri nýtingarmöguleikar felast í stærra húsi. Starfshópurinn leggur jafnframt til að við staðarval, hönnun og byggingu hússins verði gert ráð fyrir mögulegri stækkun síðar til að mæta auknum kröfum,“ segir í niðurstöðukafla skýrslunnar. Aðkoma bæði ríkis og borgar Lilja D. Alfreðsdóttir menntamálaráðherra og Dagur B. Eggertsson borgarstjóra hafa óskað eftir því að hópurinn starfi áfram og vinni ítarlega rekstar- og tekjuáætlun fyrir verkefnið. Í starfshópnum áttu sæti fulltrúar frá HSÍ, KKÍ, mennta- og menningarmálaráðuneytisins, Reykjavíkurborg og ÍSÍ. Starfshópurinn telur eðlilegt sé að kostnaði og rekstri mannvirkisins yrði skipt á milli ríkis og Reykjavíkurborgar. Ljóst sé að stærstur hluti starfseminnar – almennt íþróttastarf og kennsla – muni verða á vegum eða á kostnað sveitarfélagsins. „Því þykir eðlilegt að sveitarfélagið byggi mannvirkið og taki ákvörðun um rekstrarfyrirkomulag. Hins vegar er um að ræða starfsemi sem tengist íþróttalandsliðum og uppfyllingu alþjóðlegra krafna svo unnt sé að keppa á alþjóðvettvangi hér á landi og því er aðkoma ríkisins nauðsynleg. Aðkoma ríkisvaldsins getur orðið með ýmsum hætti. Ríkisvaldið getur komið beint að byggingu mannvirkisins með beinum fjárframlögum (stofnkostnaði) án eignarhlutdeildar en með kvöð um ákveðna nýtingu mannvirkisins sem og með styrkjum vegna æfingatíma og leikja landsliða. Allt byggir þetta á samtali milli ríkis og borgar um bestu lausnina.“
Reykjavík Skipulag Handbolti Körfubolti Mest lesið Getur varla gengið lengur Sport Mynd af yngstu dóttur Kobe Bryant vekur lukku Körfubolti Kristófer opnar sig um ágreininginn: „Vonbrigði og vanvirðing“ Körfubolti Shaq lofar að mæta í kjól ef Gobert verður valinn Körfubolti Shearer öskureiður: „Þetta er bara fáránlegt“ Enski boltinn Barcelona biður UEFA um leyfi Fótbolti Sagt að hann spili ekki aftur meðan Craig er með liðið Körfubolti Segir Messi ákaflega ósáttan með leikbannið Fótbolti Mættur aftur tuttugu árum seinna Körfubolti Dagskráin: Fyrsti leikurinn á nýja KR-vellinum, ensk félög í beinni og formúla Sport Fleiri fréttir Kristófer opnar sig um ágreininginn: „Vonbrigði og vanvirðing“ Segir Messi ákaflega ósáttan með leikbannið Getur varla gengið lengur Dagskráin: Fyrsti leikurinn á nýja KR-vellinum, ensk félög í beinni og formúla Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Mættur aftur tuttugu árum seinna Shearer öskureiður: „Þetta er bara fáránlegt“ Aukaspyrnumark Oumars tryggði Njarðvík stig í toppslagnum „Það er ástæða fyrir því að ég vildi snúa aftur “ „Ótrúlegt að við skyldum ekki klára leikinn fyrr“ Barcelona biður UEFA um leyfi Uppgjör: FH - Fram 3-1 | FH-konur upp i annað sætið Keflvíkingar klúðruðu víti á nítugustu mínútu Dan Burn hjá Newcastle: Verðum svekktir ef Alexander Isak fer Ísak aftur með frábæra innkomu Annað risastórt kvennahandboltafélag gjaldþrota Messi dæmdur eftir allt saman í bann fyrir skrópið Gyökeres í flugvél á leið til London Leik lokið: Víkingur - Stjarnan 2-1 | Víkingar galopna fallbaráttuna í fyrsta leik undir nýrri stjórn Strákarnir brunuðu í úrslitaleikinn Anton Sveinn og Laufey Rún stálu senunni í Nauthólsvík „Hef mikla trú að það muni ganga upp núna“ Venus úr leik í Washington „Auðvitað skoraði Orri, hann skorar alls staðar“ FH leysir loks úr markmannsmálunum Orri Steinn með tvennu í Japan Sádarnir spenntir fyrir Antony Sjáðu stoðsendingar Öglu, hetjudáðir Fanndísar og Birgittu refsa grimmt Newcastle íhugar að kaupa Sesko Sjá meira
Leik lokið: Víkingur - Stjarnan 2-1 | Víkingar galopna fallbaráttuna í fyrsta leik undir nýrri stjórn