Erlent

Lést í fallhlífastökkskeppni

Sylvía Hall skrifar
Atvikið átti sér stað í morgun. Myndin er úr safni.
Atvikið átti sér stað í morgun. Myndin er úr safni. Vísir/Getty

54 ára karlmaður lést í danska meistaramótinu í fallhlífastökki í borginni Herning í Danmörku í morgun. Maðurinn er talinn hafa lent rangt í vatni, en keppendur áttu að snerta vatnið áður en þeir lentu á jörðu niðri. TV2 greinir frá.

Áhorfendur eru sagðir hafa brugðist hratt við, dregið hann upp úr vatninu og reynt endurlífgun á vettvangi. Þyrla og sjúkrabílar voru sendir á vettvang en maðurinn var síðar úrskurðaður látinn.

Mótinu hefur verið aflýst eftir slysið en þátttakendur eru sagðir vera í áfalli. Samfélag fallhlífastökkvara sé ekki stórt og flestir þekki hvorn annan vel. Þarna hafi aðeins bestu fallhlífastökkvarar landsins verið saman komnir.

Danmörk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið