Mál lektorsins komið til héraðssaksóknara

Sylvía Hall skrifar 28. ágúst 2020 16:42

Kristján Gunnar leiddur fyrir dómara í vetur. vísir

Mál Kristjáns Gunnars Valdimarssonar, lögmanns og fyrrverandi lektors í skattarétti við Háskóla Íslands er komið til héraðssaksóknara til meðferðar að lokinni rannsókn lögreglu. Héraðssaksóknari tekur svo ákvörðun um hvort ákæra verði gefin út.

Þetta staðfestir Ólafur Þór Hauksson, héraðssaksóknari, í samtali við fréttastofu.

Kristján Gunnar var handtekinn á heimili sínu aðfararnótt aðfangadags á síðasta ári en síðar sleppt. Hann var svo aftur handtekinn á jólanótt grunaður um frelsissviptingu, líkamsárás og kynferðisbrot gegn þremur konum.

Fjögurra daga gæsluvarðhald yfir Kristjáni Gunnari rann út þann 29. desember í fyrra. Lögreglan á höfuðborgarsvæðinu fór fram á áframhaldandi gæsluvarðhald en þeirri kröfu var hafnað í héraði og staðfesti Landsréttur þá niðurstöðu.

Lektor handtekinn á Aragötu Lögreglumál

Tengdar fréttir

Lögregla segir að rannsóknin sé í fullum gangi og miði vel

Lögreglan á höfuðborgarsvæðinu segir rannsókn á máli Kristjáns Gunnars Valdimarssonar, lögmanns og lektors við Háskóla Íslands, í fullum gangi. Þá miði henni vel.

3. janúar 2020 14:58

Landsréttur hafnar sömuleiðis kröfu lögreglu um gæsluvarðhald

Landsréttur hefur staðfest niðurstöðu Héraðsdóms Reykjavíkur þess efnis að hafna gæsluvarðhaldskröfu lögreglunnar á höfðuborgarsvæðinu yfir Kristjáni Gunnari Valdimarssyni, lögfræðingi og lektor við Háskóla Íslands.

3. janúar 2020 14:29

Réttargæslumennirnir hafna því að hafa brotið þagnarskyldu

Í yfirlýsingu Sögu Ýrar segir að hún hafi sinnt störfum sínum af heilindum og haft hagsmuni umbjóðanda síns að leiðarljósi.

2. janúar 2020 14:39

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.