Lovísa Thompson var í stuði í kvöld þegar meistarar Vals unnu öruggan sigur á Aftureldingu, 32-22, í fyrsta leik 16. umferðar Olís-deildarinnar í handbolta.



Valur var á heimavelli og var sex mörkum yfir í hálfleik, 17-11. Lovísa skoraði 10 mörk fyrir heimakonur, Ragnhildur Edda Þórðardóttir var næstmarkahæst með 5 mörk og Arna Sif Pálsdóttir skoraði 4, en Roberta Ivanauskaite skoraði 7 fyrir Aftureldingu.



Valskonur eru stigi á eftir toppliði Fram sem tekur á móti ÍBV á mánudag. Afturelding er án stiga á botninum.