Heiðarlegra að tala um lokun landsins Stefán Ó. Jónsson skrifar 14. ágúst 2020 16:30 Starfsmenn ferðaþjónustunnar óttast að það fækki aftur í Leifsstöð frá og með næsta miðvikudegi þegar nýju reglurnar taka gildi. vísir/vilhelm Þungt hljóð er í íslenskri ferðaþjónustu þessa stundina eftir að ný útfærsla á landamæraskimun var kynnt til sögunnar í dag. Frá og með næsta miðvikudegi skulu öll sem koma til Íslands fara í tvær skimanir og fjögurra til fimm daga sóttkví. Ferðaþjónustan telur kvaðirnar samsvara því að landinu hafi verið lokað aftur fyrir ferðamönnum. Fáum hugnist að koma hingað til lands til þess eins að loka sig af í fjóra til fimm daga. Þau sem láta sig málið varða í Baklandi ferðaþjónustunnar, þar sem málefni greinarinnar eru rædd á Facebook, eru þannig á einu máli um að ákvörðunin sé áfall. Eftir að komum ferðamanna hafði farið að fjölga aftur frá 15. júní, þegar farið var að skima á landamærunum, sé viðbúið að straumurinn stoppi í næstu viku þegar nýju kvaðirnar taka gildi. „Þetta er svakalegt högg,“ segir einn og annar talar um „hrikalegt ástand.“ Pétur Óskarsson, eigandi ferðaþjónustufyrirtæksins Katla-DMI, getur ekki leynt vonbrigðum sínum með stjórnvöld. „Það var búið að segja að framhaldið myndi byggja á reynslu og þekkingu síðustu vikna. Nú virðist óttinn hafa náð yfirhöndinni,“ segir Pétur. Óðinn Kári Karlsson segir ljóst að enginn ferðamaður muni sækjast eftir ferðum hingað úr þessu. „Það væri miklu einfaldara fyrir alla ef stjórnvöld segðu bara að landinu væri lokað,“ segir Óðinn og Sverrir Herbertsson hjá gistiheimilinu á Flúðum er sama sinnis: „Það er verið að loka ferðaþjónustunni. Skimun og svo 4-5 daga sóttkví og aftur skimun? Það verða 100% afbókanir.“ Uppsagnir framundan Þeir eru ekki einir um þessa skoðun. Jóhannes Þór Skúlason, framkvæmdastjóri Samtaka ferðaþjónustunnar, telur ljóst að ferðamenn komin ekki til landsins til að sitja í sóttkví. „Það er búið að loka íslenskri ferðaþjónustu, það er bara þannig,“ segir Jóhannes í samtali við mbl. Hann gerir ekki ráð fyrir öðru en afbókanir fari að hrúgast inn á næstu mínútum. Að sama skapi telur Jóhannes ljóst að sóttvarnasjónarmið hafi ein ráðið för og ekki hafi verið tekið mið af hinum hagrænu. Viðbúið sé að vandi fyrirtækja muni aukast og fleirum verði sagt upp. Jóhannes Þór Skúlason, framkvæmdastjóri SAF, telur landinu hafa verið lokað.VÍSIR/ARNAR Eitt lokaðasta land í Evrópu Katrín Jakobsdóttir forsætisráðherra sagði þó á fundi dagsins að hagfræðileg greining sem gerð hefur verið beri með sér að það sé þjóðhagslega hagkvæmt að skima fyrir veirunni. Ef gera eigi breytingar á fyrirkomulaginu hnígi hagfræðilegu rökin jafnframt að því að herða á skimuninni frekar en að losa um hana. Þá leggur stjórnmálafræðingurinn Eiríkur Bergmann orð í belg og teflir fram alþjóðlegum samanburði. „Landinu lokað. Kröfur um tvöfalda skimun og sóttkví á milli er jú eiginleg lokun. Ísland verður því líkast til á meðal allra lokuðustu landa í vestur Evrópu,“ skrifar Eiríkur. Mannréttindi eru honum jafnframt hugfólgin. „Sjálfum þykir mér áhugaverðast hversu umræðulítið er hægt að víkja frá almennum mannréttindum á borð við ferðafrelsi. Vísað er til álitaefna hvað varðar heilbrigði og hagmál en einstaklingsbundin mannréttindi, svo sem frelsi fólks, er varla nefnt. Umhugsunarvert allavega.“ Ferðamennska á Íslandi Faraldur kórónuveiru (COVID-19) Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent Tuttugu konur saka Mohamed Al Fayed um kynferðisofbeldi Erlent Höfuðstöðvar nýrrar ríkisstofnunar verða á Hvolsvelli Innlent 20 létust og 450 slösuðust þegar talstöðvarnar sprungu Erlent „Afleitt“ að sjá Yazan gerðan að leiksoppi í deilum ráðherra Innlent Sjálfsagt að skoða að semja við önnur ríki um að hýsa erlenda fanga Innlent Vitorðsmaður viðurkennir að hafa gert það sama og Pelicot Erlent Átta ára tók fjölskyldubílinn, ók í Target og fékk sér frappó Erlent Blöskrar markaðssetning á réttum: „Þetta eru eins og jólin fyrir okkur“ Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Þungt hljóð er í íslenskri ferðaþjónustu þessa stundina eftir að ný útfærsla á landamæraskimun var kynnt til sögunnar í dag. Frá og með næsta miðvikudegi skulu öll sem koma til Íslands fara í tvær skimanir og fjögurra til fimm daga sóttkví. Ferðaþjónustan telur kvaðirnar samsvara því að landinu hafi verið lokað aftur fyrir ferðamönnum. Fáum hugnist að koma hingað til lands til þess eins að loka sig af í fjóra til fimm daga. Þau sem láta sig málið varða í Baklandi ferðaþjónustunnar, þar sem málefni greinarinnar eru rædd á Facebook, eru þannig á einu máli um að ákvörðunin sé áfall. Eftir að komum ferðamanna hafði farið að fjölga aftur frá 15. júní, þegar farið var að skima á landamærunum, sé viðbúið að straumurinn stoppi í næstu viku þegar nýju kvaðirnar taka gildi. „Þetta er svakalegt högg,“ segir einn og annar talar um „hrikalegt ástand.“ Pétur Óskarsson, eigandi ferðaþjónustufyrirtæksins Katla-DMI, getur ekki leynt vonbrigðum sínum með stjórnvöld. „Það var búið að segja að framhaldið myndi byggja á reynslu og þekkingu síðustu vikna. Nú virðist óttinn hafa náð yfirhöndinni,“ segir Pétur. Óðinn Kári Karlsson segir ljóst að enginn ferðamaður muni sækjast eftir ferðum hingað úr þessu. „Það væri miklu einfaldara fyrir alla ef stjórnvöld segðu bara að landinu væri lokað,“ segir Óðinn og Sverrir Herbertsson hjá gistiheimilinu á Flúðum er sama sinnis: „Það er verið að loka ferðaþjónustunni. Skimun og svo 4-5 daga sóttkví og aftur skimun? Það verða 100% afbókanir.“ Uppsagnir framundan Þeir eru ekki einir um þessa skoðun. Jóhannes Þór Skúlason, framkvæmdastjóri Samtaka ferðaþjónustunnar, telur ljóst að ferðamenn komin ekki til landsins til að sitja í sóttkví. „Það er búið að loka íslenskri ferðaþjónustu, það er bara þannig,“ segir Jóhannes í samtali við mbl. Hann gerir ekki ráð fyrir öðru en afbókanir fari að hrúgast inn á næstu mínútum. Að sama skapi telur Jóhannes ljóst að sóttvarnasjónarmið hafi ein ráðið för og ekki hafi verið tekið mið af hinum hagrænu. Viðbúið sé að vandi fyrirtækja muni aukast og fleirum verði sagt upp. Jóhannes Þór Skúlason, framkvæmdastjóri SAF, telur landinu hafa verið lokað.VÍSIR/ARNAR Eitt lokaðasta land í Evrópu Katrín Jakobsdóttir forsætisráðherra sagði þó á fundi dagsins að hagfræðileg greining sem gerð hefur verið beri með sér að það sé þjóðhagslega hagkvæmt að skima fyrir veirunni. Ef gera eigi breytingar á fyrirkomulaginu hnígi hagfræðilegu rökin jafnframt að því að herða á skimuninni frekar en að losa um hana. Þá leggur stjórnmálafræðingurinn Eiríkur Bergmann orð í belg og teflir fram alþjóðlegum samanburði. „Landinu lokað. Kröfur um tvöfalda skimun og sóttkví á milli er jú eiginleg lokun. Ísland verður því líkast til á meðal allra lokuðustu landa í vestur Evrópu,“ skrifar Eiríkur. Mannréttindi eru honum jafnframt hugfólgin. „Sjálfum þykir mér áhugaverðast hversu umræðulítið er hægt að víkja frá almennum mannréttindum á borð við ferðafrelsi. Vísað er til álitaefna hvað varðar heilbrigði og hagmál en einstaklingsbundin mannréttindi, svo sem frelsi fólks, er varla nefnt. Umhugsunarvert allavega.“
Ferðamennska á Íslandi Faraldur kórónuveiru (COVID-19) Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent Tuttugu konur saka Mohamed Al Fayed um kynferðisofbeldi Erlent Höfuðstöðvar nýrrar ríkisstofnunar verða á Hvolsvelli Innlent 20 létust og 450 slösuðust þegar talstöðvarnar sprungu Erlent „Afleitt“ að sjá Yazan gerðan að leiksoppi í deilum ráðherra Innlent Sjálfsagt að skoða að semja við önnur ríki um að hýsa erlenda fanga Innlent Vitorðsmaður viðurkennir að hafa gert það sama og Pelicot Erlent Átta ára tók fjölskyldubílinn, ók í Target og fékk sér frappó Erlent Blöskrar markaðssetning á réttum: „Þetta eru eins og jólin fyrir okkur“ Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira