Guðmundur fór með sautján til Þýskalands og skildi tvo eftir heima

Guðmundur Guðmundsson, þjálfari íslenska karlalandsliðsins í handbolta, skildi tvo leikmenn eftir heima þegar íslenska landsliðið flaug út til Þýskalands til að spila æfingaleik við heimamenn.

Það eru markvörðurinn Ágúst Elí Björgvinsson og varnarmaðurinn Sveinn Jóhannsson sem verða eftir heima.

Íslenska landsliðið spilar við Þjóðverja á morgun í SAPArena í Mannheim en þetta er eini æfingaleikur liðsins fyrir Evrópumótið sem hefst eftir rúma viku.

Alexander Petersson mun þarna spila sinn fyrsta landsleik í tæp fjögur ár en hann gaf aftur kost á sér fyrir þetta EM. Leikurinn fer fram á hans heimavelli en leikurinn fer fram á heimavelli Rhein-Neckar Löwen.

Fyrsti leikur Íslands á Evrópumótinu verður á móti Dönum þann 11. janúar næstkomandi og fer hann fram eins og aðrir leikir íslenska liðsins í riðlinum í Malmö í Svíþjóð.

Leikmenn sem taka þátt í Þýskalandsleiknum:

Markverðir:

Björgvin Páll Gústavsson, Skjern 221/13

Viktor Gísli Hallgrímsson, GOG 9/0

Vinstra horn:

Bjarki Már Elísson Lemgo, 63/141

Guðjón Valur Sigurðsson, PSG 356/1853

Vinstri skytta:

Aron Pálmarsson, Barcelona 141/553

Ólafur Andrés Guðmundsson, Kristianstad 115/215

Miðjumenn:

Elvar Örn Jónsson, Skjern 26/80

Haukur Þrastarson, Selfoss 12/15

Janus Daði Smárason, Aalborg 37/41

Hægri skytta:

Alexander Petersson, Rhein-NeckarLowen 173/694

Viggó Kristjánsson, Wetzlar 2/3

Hægra horn:

Arnór Þór Gunnarsson, Bergischer 105/311

Sigvaldi Björn Guðjónsson, Elverum 20/37

Línumenn:

Arnar Freyr Arnarsson, GOG 45/65

Kári Kristján Kristjánsson, ÍBV 137/162

Ýmir Örn Gíslason, Valur 33/14

Varnarmaður:

Daníel Þór Ingason, RibeEsbjerg 30/9