Íslenski boltinn

FH vill spila í Skessunni lengist Ís­lands­mótið

Anton Ingi Leifsson skrifar
Úr Skessunni er loka undirbúningur var í gangi við að leggja gervigrasið á völlinn.
Úr Skessunni er loka undirbúningur var í gangi við að leggja gervigrasið á völlinn. vísir/skjáskot

Valdimar Svavarsson, formaður knattspyrnudeildar FH, segir að félagið vilji spila í knatthúsi sínu, Skessunni, geti þeir ekki spilað á grasvelli sínum undir lok Íslandsmótsins í knattspyrnu.

Allt er útlit fyrir að Pepsi Max-deildirnar lengist svo um munar vegna kórónuveirunnar en svo gæti farið að spilað verði út nóvember.

Heimavöllur FH er eins og kunnugt er grasvöllur en hann hefur lengi verið talinn einn besti grasvöllur landsins. FH þyrfti því að finna aðra lausn varðandi sína heimaleiki hér í vetur.

„Við erum alltaf með plan B, C og D. Við eigum hús sem við getum spilað í. Það er löglegur völlur þó að umgjörðin í kringum völlinn sé ekki fullkomlega lögleg samkvæmt öllum skilgreiningum, rétt eins og Kórinn er heldur ekki löglegur samkvæmt öllum skilgreiningum,“ sagði Valdimar.

Skessan, þriðja knatthús FH-inga, var tekin í notkun í vetur og er mögulegt að spila þar ef ekki verður hægt að spila úti vegna veðurs- eða birtuskilyrða.

„Við höfum alltaf þann kost á að fara með einhverja leiki inn í Skessuna. Við viljum spila á okkar velli sem lengst en ef að þetta kemur upp þá þurfum við að taka á því og leysa það en við myndum vilja það sem kost B að vilja spila inn í okkar höll en ekki einhvers staðar annars staðar.“

„Þetta er samtal sem við þurfum að eiga og taka á ef þess kemur til en vonandi getum við bara farið að sparka boltanum. Það eru ýmis teikn um það í dag. Bæði sóttvarnarlæknir og innan hreyfingar hefur þetta tosast í rétta átt í því en samt með fullum þunga á að við þurfum að passa okkur, gera þetta vel og vanda okkur.“

Klippa: Valdimar um FH og Skessuna


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.