Bandaríska fjármálaráðuneytið sagðist í dag ætla að beita Carrie Lam, leiðtoga heimastjórnar Hong Kong, og tíu aðra embættismenn í Kína og Hong Kong refsiaðgerðum. 

Allar eignir þeirra í Bandaríkjunum verða frystar. Lam hefur áður sagst ekki óttast aðgerðir sem þessar, enda eigi hún engar eignir í Bandaríkjunum. 

Fjármálaráðherra Bandaríkjanna sagðist stíga þetta skref þar sem Lam og aðrir embættismenn hefðu grafið undan sjálfsstjórn Hong Kong.