Landspítali á hættustig

Stefán Ó. Jónsson skrifar 30. júlí 2020 12:59

Landspítali hefur nú verið færður af óvissustigi á hættustig vegna kórónuveirufaraldurs. Viðbragðsáætlun Landspítala vegna farsótta hefur því verið virkjuð og segir í tilkynningu frá spítalanum að viðbragðsstjórn og farsóttanefnd muni funda daglega.

Landspítalinn setti sér reglur í gær vegna fjölgunar veirutilfella síðustu daga. Þær eru í átta liðum og lúta meðal annars að skimun starfsmanna og að tryggja að tveggja metra reglunni sé fylgt á biðstofum. Reglurnar átta má nálgast hér en þær tóku gildi á miðnætti.

Í tilkynningu Landspítalans segir að nú sé unnið að útfærslu þeirra tilmæla sem heilbrigðisráðherra kynnti á fréttamannafundinum í morgun. Einn sjúklingur með kórónuveirusmit var lagður inn á Landspítalann í dag og er það sá fyrsti sem leggst inn með Covid 19-smit síðan í maí.

Heilbrigðismál Faraldur kórónuveiru (COVID-19)

Tengdar fréttir

Hertar aðgerðir: Tveggja metra reglan skylda og 100 manna samkomumörk

Hertari aðgerðir vegna kórónuveirunnar taka gildi á hádegi á morgun. Þeirra á meðal er að fjöldatakmörk verða lækkuð úr 500 manns niður í 100 manns.

30. júlí 2020 11:09

Spítalainnlögn vegna Covid-19

Einstaklingur hefur verið lagður inn á Landspítalann vegna kórónuveirusýkingar

30. júlí 2020 10:47

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.