Innlent

Gular viðvaranir vegna hvassviðris

Samúel Karl Ólason skrifar
Veðurstofa Íslands hefur gefið út tvær gular viðvaranir vegna hvassviðris í kvöld og í nótt.
Veðurstofa Íslands hefur gefið út tvær gular viðvaranir vegna hvassviðris í kvöld og í nótt. Vísir/Vilhelm

Veðurstofa Íslands hefur gefið út tvær gular viðvaranir vegna hvassviðris í kvöld og í nótt. Þær ná til Faxaflóa og Suðausturlands þar sem búist er við að vindkviður verði sterkar og að varasamt geti verið að keyra um svæðin.

Í Faxaflóa er búist við að hvassast verði á sunnanverðu Snæfellsnesi. Vindhviður verði snarpar og fari sums staðar yfir 25 m/s. Aðstæður verði sömuleiðis ekki góðar fyrir ferðalanga undir Hafnarfjalli og þá sérstaklega fyrir ökutæki með aftanívagna.

Viðvörunin gildir frá klukkan fimm í dag til níu í fyrramálið.

Svipaða sögu er að segja af Suðausturlandi þar sem búist er við norðaustan 13-20 m/s, eins og á Snæfellsnesi, og snörpum vindhviðum við fjöll. Þær eru sömuleiðis sagðar geta farið yfir 25 m/s undir Öræfajökli og í Mýrdalnum.

Veðurstofan segir að þar geti einnig skapast varasöm akstursskilyrði og sérstaklega fyrir bíla með aftanívagna.

Á landinu öllu er búist við vaxandi norðaustanátt í dag. Eftir hádegi nái vindurinn 8-13 m/s en hann verði lengst af hægari NA- og S-lands. Austantil á landinu er búist við rigningu seinnipartinn.

Útlit er fyrir þurrt veður annarsstaðar á landinu.

Hiti 9 til 15 stig yfir daginn, en 5 til 10 stig N- og A-lands.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.