Íslenski boltinn

Óskar sagði undir­lagið á KA-vellinum eitt það daprasta í Evrópu

Anton Ingi Leifsson skrifar
Óskar var verulega ósáttur í gær.
Óskar var verulega ósáttur í gær. vísir/s2s

Óskar Hrafn Þorvaldsson, þjálfari Breiðabliks, var ekki hrifinn af vellinum á Akureyri í leik Blika og KA í gær en Óskar kallaði undirlagið á vellinum eitt það daprasta í efstu deild í Evrópu.

Farið var yfir vallaraðstæður í Pepsi Max-stúkunni sem var á dagskrá Stöðvar 2 Sports í gærkvöldi þar sem þeir Guðmundur Benediktsson, Reynir Leósson og Davíð Þór Viðarsson fóru yfir þá fimm leiki sem lokið er í fjórðu umferðinni.

„Mjög stoltur af liðinu mínu. Við náðum að halda boltanum vel og náðum að skapa okkur fullt af færum eftir gott samspil. Undirlagið er örugglega á með því daprasta sem gerir í Evrópu og mér fannst við tækla það vel. Mér fannst það ekki stjórna okkur og ég er stoltur af mínum mönnum fyrir það,“ sagði Óskar.

Spekingarnir, Davíð Þór og Reynir, voru ósammála um umræðuna á vellinum.

„Miðað við hvernig KA spilaði í þessum leik, fyrir utan þegar Hrannar rann sem var óhpepilegt fyrir þá, þá hentaði það þeim betur en t.d. Breiðablik sem spilar meiri fótbolta. Mér finnst þessi umræða eiga mjög mikið rétt á sér og mér finnst bara fáránlegt að árið 2020 og það er búið að röfla yfir þessum velli, liggur við frá aldamótum, og þeir eru enn að spila þarna. Það gerist ekki neitt,“ sagði Davíð Þór en Reynir var ósammála.

„Upp úr aldamótum fannst mér geggjað að spila á þessum velli. Mér fannst hann mjög frambærilegur. Ég veit að þetta er lélegur völlur en þetta tuð út af vellinum fer pínulítið í taugarnar á mér. Ég hef spilað á ömurlegum KR-velli, maður fór upp í Árbæ og spilaði á lélegum grasvelli. Við erum orðnir svo vanir að spila á teppum út um allt að það ræður enginn við það að reima á sig skrúfuskóna og fljúga á hausinn.“

Klippa: Pepsi Max-stúkan - Vallaraðstæður á Akureyri


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.