Innlent

Fimm smit greindust við landamærin í gær

Andri Eysteinsson skrifar
Skimun fyrir kórónuveirunni hjá Heilsugæslunni Höfða
Skimun fyrir kórónuveirunni hjá Heilsugæslunni Höfða Vísir/Vilhelm

Fimm greindust með kórónuveiruna við landamæraskimun í gær. Beðið er eftir niðurstöðum mótefnamælingar í tveimur af smitunum fimm en mótefni mældust í sýnum þriggja aðila.

Með því fjölgaði þeim sem eru í einangrun vegna kórónuveirusmits um fjóra á milli daga en í sóttkví eru nú 441 og fjölgaði þeim því um þrjá frá því að síðustu tölur voru birtar.

19.189 sýni hefur verið tekið á landamærunum og 66.725 sýni innanlands.

Tekin voru 1.484 sýni á landamærum Íslands í gær, 138 á veirufræðideild LSH og 259 hjá Íslenskri erfðagreiningu.

Greint var frá því í gær að við komu Norrænu til hafnar í Seyðisfirði hafi tveir farþeganna reynst smitaðir af kórónuveirunni. Annað smitið hafði greinst við komuna í ferjuna og hafði farþeginn verið í einangrun alla siglinguna frá Danmörku og vísbendingar voru uppi um að hitt smitið væri gamalt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×