Innlent

Fjórir greindust með veiruna síðasta sólar­hringinn

Hallgerður Kolbrún E. Jónsdóttir skrifar
Kórónuveiran á bráðamótökunni í Fossvogi
Kórónuveiran á bráðamótökunni í Fossvogi Vísir/Vilhelm

Fjórir greindust með kórónuveiruna síðasta sólarhringinn, þrír við landamæraskimun og einn hjá sýkla- og veirufræðideild Landspítalans, samkvæmt nýjum tölum á Covid.is. Tveir greindust með veiruna sólarhringinn þar áður sömuleiðis. Fjórir þeirra sem greinst hafa á landamærunum eru smitandi en tuttugu eru það ekki, þ.e. með gömul smit en mælast enn með mótefni gegn veirunni. Þrír bíða eftir niðurstöðum.

Virk smit á landinu eru ellefu og fækkaði þeim um eitt á milli daga. Þá voru 1310 sýni tekin við landamæraskimun síðasta sólarhringinn, 465 hjá Íslenskri erfðagreiningu og 263 hjá veirufræðideild Landspítala.

434 eru nú í sóttkví og fjölgaði þeim um nítján milli daga. Staðfest smit frá upphafi faraldurs eru orðin 1847. 1823 hafa náð bata.

Innanlandssmit frá 15. júní eru nú orðin sex. Tuttugu og fimm smit má rekja til útlanda en sex eru skráð með óþekkt upprunaland á Covid.is.

Samkvæmt þessum tölum hafa alls þrjátíu og sjö greinst með veiruna frá 15. júní.Samkvæmt þessum tölum hafa alls þrjátíu og sjö greinst með veiruna frá 15. júní.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið