Innlent

Talin hætta á á­fram­haldandi brota­starf­semi mannsins

Sylvía Hall skrifar
Maðurinn var handtekinn í gær.
Maðurinn var handtekinn í gær. Vísir/Vilhelm

Karlmaður á fertugsaldri sem veitti konu áverka með hníf á heimili hennar í gær hefur verið úrskurðaður í gæsluvarðhald á grundvelli rannsóknarhagsmuna og vegna þess að lögregla telur hættu á áframhaldandi brotastarfsemi. Gæsluvarðhaldið er til 13. júlí næstkomandi.

Maðurinn er grunaður um að hafa ráðist á konuna á heimili hennar miðsvæðis í Reykjavík í gær og er málið rannsakað sem tilraun til manndráps. Konan var flutt á slysadeild er ekki talin í lífshættu.

Samkvæmt heimildum fréttastofu var konan leigusali mannsins og hefur hann margsinnis komið við sögu lögreglu.

Nokkur viðbúnaður var hjá lögreglu vegna málsins, enda óljóst í upphafi hvort fleiri væru inni á heimilinu. Maðurinn var handtekinn á vettvangi en ekki er unnt að veita frekari upplýsingar að svo stöddu.

Lögreglumál Reykjavík Ráðist á leigusala á Langholtsvegi

Tengdar fréttir

Réðst á leigu­sala sinn að til­efnis­lausu

Alvarleg líkamsárás sem gerð var í gærmorgun í Reykjavík var tilefnislaus áras af hendi nágranna, sem jafnframt var leigjandi þolandans, samkvæmt heimildum fréttastofu.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið