Tilfinningaþrungið myndband frá Bachelor hjónunum Arie og Lauren

The Bachelor hjónin Arie Luyendyk Jr. og Lauren Burnham greindi frá því á YouTube-rás sinni um helgina að þau misstu fóstur á dögunum. Fyrir áttu þau eina dóttur sem fæddist 29. maí árið 2019.

Myndbandið sem hjónin deildu er tæplega þrjátíu mínútna langt og var upphaflega gert ráð fyrir því að deila gleðifréttunum með fylgjendum þeirra.

Það var því tekið upp efni þegar þau fengu tíðindin að hjónin ættu von á sínu öðru barni en einnig þegar þau gerðu sér greini fyrir fósturmissinum.

Ferlið hefur greinilega tekið mikið á hjónin eins og sjá má í þessu tilfinningaþrungna myndbandi hér að neðan.