Erlent

Grikk­land opnar landa­mærin

Hallgerður Kolbrún E. Jónsdóttir skrifar
Grikkland hefur opnað alþjóðaflugvöllinn í Aþenu á ný.
Grikkland hefur opnað alþjóðaflugvöllinn í Aþenu á ný. EPA/FILIP SINGER

Grikkland hefur opnað landamæri sín á ný en aðeins er alþjóðlegum flugum heimilt að lenda á flugvellinum í Aþenu. Farþegar verða skimaðir við komu og er þeim skylt að gista í eina nótt á sérstöku hóteli. Ef farþegar greinast ekki með kórónuveiruna þurfa þeir að fara í sóttkví í sjö daga en í fjórtán daga séu þeir smitaðir samkvæmt reglum sem gilda til 15. júní næstkomandi.

Frá 15. júní til 30. júní verður létt á þessum reglum og verður tekið á móti flugvélum í Aþenu og Thessaloniki. Farþegar sem ferðast frá löndum sem ekki eru listuð hjá EASA munu ekki þurfa að fara í sóttkví en gætu verið skimaðir af handahófi. Þeir sem koma frá löndum á lista EASA munu þurfa að gista á sérstöku hóteli og fara í 7 daga sóttkví ef ekki er um smit að ræða en 14 ef þeir reynast smitaðir.

Frá og með 1. júlí verður létt enn frekar á takmörkunum og verða allir flugvellir opnir. Farþegar verða valdir af handahófi til að fara í skimun. Frekari útfærslur verða tilkynntar síðar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.