Leit að Andris hafin að nýju

Hallgerður Kolbrún E. Jónsdóttir skrifar 26. maí 2020 22:45

Andris Kalvans, göngumaðurinn sem er saknað á Snæfellsnesi.

Í síðustu viku hófst leit að nýju að Andris Kalvans, sem talinn er hafa týnst í Hnappadal á Snæfellsnesi þann 30. desember síðastliðinn. Leit var hætt í janúar vegna erfiðra veðurskilyrða og ekki hefur verið hægt að hefja leit á ný fyrr en nú.

Þriðjudaginn 19. maí hóf lögreglan á Vesturlandi ásamt björgunarsveitarmönnum og sérsveitarmönnum leit að Hrútaborgum þar sem talið er að Andris hafi verið samkvæmt frétt á vef Skessuhorns. Þangað var ekið á sexhjólum og flugdróna flogið yfir stórt svæði til að leita mannsins.

Leitarskilyrði eru nokkuð erfið en leit verður haldið áfram þar til maðurinn finnst að sögn lögreglu.

Andris er vanur göngumaður og hefur ekkert til hans spurst frá því hann hvarf í desember. Bíll Andris fannst í vegkanti milli bæjanna Heggstaða og Mýrdals á Snæfellsnesi fyrir áramót og fannst í honum fjallgöngubúnaður, fatnaður, ísexi og fleira.

Björgunarsveitir Borgarbyggð Lögreglumál

Tengdar fréttir

Hætta leit í bili og búa sig undir óveðrið á morgun

Síðustu hópar, sem verið hafa við leit að Lettanum Andris Kalvan í Heydal á Snæfellsnesi, hafa verið kallaðir heim.

3. janúar 2020 17:19

Fundu fjallgöngubúnað Andris í bílnum

Leit lögreglu og björgunarsveita að Lettanum Andris Kalvan í Heydal á Snæfellsnesi hefur haldið áfram í dag.

3. janúar 2020 13:21

„Engar vísbendingar, ekki neitt“

Lögregla og björgunarsveitir á Vesturlandi hófu skömmu eftir hádegi í dag leit að göngumanni sem ekki skilaði sé til byggða 30. desember.

2. janúar 2020 14:17

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.