Fjögur ný smit í kvöld

Staðfest kórónuveirusmit á Íslandi er nú orðin 138 eftir að fjögur ný smit greindust á sýkla- og veirufræðideild Landspítala í kvöld, að því er fram kemur í tilkynningu frá almannavörnum.

Tveir hinna fjögurra sem greindust í kvöld höfðu dvalið á skíðasvæði í Evrópu, einn kom frá Bandaríkjunum og einn er einstaklingur sem var í sóttkví.

Eins og staðan er núna eru innanlandssmit alls 36 talsins, smit erlendis frá 94 og óþekkt fjögur. Smit skiptast jafnt eftir kynjum. Langflest smitanna eru rakin til skíðasvæða í ölpunum.