Umfjöllun og viðtöl: Þór Ak. - Grindavík 89-86 | Þórsarar héldu sér á lífi Arnar Geir Halldórsson skrifar 13. mars 2020 21:30 Hansel Atencia og félagar í Þór Ak. verða að vinna Grindavík. vísir/bára Þór fékk Grindavík í heimsókn í 21.umferð Dominos deildar karla í körfubolta í Íþróttahöllina á Akureyri í kvöld. Það var fámennt í áhorfendastúkunum þegar leikurinn hófst en það átti reyndar eftir að bæta úr því þegar leið á leikinn. Það var engu líkara en að stemningsleysið í upphafi hafi smitað til leikmanna þar sem fyrsti leikhluti var afar hægur og fátt um fína drætti ef frá eru talin troðslutilþrif Seth LeDay. Gestirnir úr Grindavík stóðu heimamönnum framar og leiddu með tólf stigum eftir fyrsta leikhluta, 15-27. Þórsarar rönkuðu aðeins við sér í öðrum leikhluta en Grindvíkingar héldu heimamönnum í hæfilegri fjarlægð og leiddu með átta stigum í hálfleik, 38-46. Heimamenn mættu ákveðnir til leiks í síðari hálfleik og virðist vera sem Lárusi Jónssyni, þjálfara Þórs, hafi tekist að blása baráttuanda á ný í sína menn. Þrátt fyrir það gekk erfiðlega að vinna mun Grindavíkur niður. Þórsarar áttu góð áhlaup en þeim var jafnan svarað af krafti af gestunum. Staðan eftir þriðja leikhluta 61-68. Sömu sögu er að segja af fjórða leikhluta þar sem liðin skiptust á körfum og var fátt sem benti til þess að heimamenn myndu ná að snúa leiknum sér í vil. Þegar rétt rúm mínúta lifði leiks hafði Grindavík átta stiga forystu en þá gerðist eitthvað ótrúlegt. Hansel Atencia skoraði þriggja stiga körfu og strax í kjölfarið stal Jamal Palmer boltanum af Sigtryggi Arnari Björnsynni og minnkaði muninn niður í þrjú stig. Grindavík fór í sókn með 47 sekúndur á klukkunni og Miljan Rakic hljóp með boltann útaf. Í kjölfarið héldu Þórsarar í sókn sem lauk með sniðskoti Jamal Palmer sem rataði rétta leið og 8 sekúndur eftir af leiknum. Ingvi Þór Guðmundsson tók lokaskot gestanna utan þriggja stiga línunnar en það geigaði og raunar gerðu Þórsarar síðustu tvö stig leiksins af vítalínunni. Lokatölur 89-86 fyrir Þór. Afhverju vann Þór? Karakter og þrautseigja. Það er óhætt að segja að þessi orð hafi einkennt sveiflukennt tímabil Þórsara í Dominos deildinni í vetur og þau áttu svo sannarlega við í kvöld. Grindavík leiddi leikinn frá fyrstu mínútu til þeirrar síðustu en síðan ekki söguna meir á lokasekúndum. Og það þrátt fyrir að hafa haldið Þórsurum í góðri fjarlægð allan leikinn. Bestu menn vallarins? Hansel Atencia var stigahæstur Þórsara með 28 stig. Pablo Hernandez gerði 14 stig ásamt því að taka 14 fráköst en Jamal Palmer var frábær á lokamínútunni sem tryggði heimamönnum sigurinn. Seth LeDay var besti maður gestanna með 28 stig og mörg glæsileg tilþrif. Klúðraði þó fjórum vítaskotum þegar mest var undir sem reyndist Grindvíkingum afar dýrkeypt. Hvað er næst? Ólíklegt er að körfubolti verði leikin hér á landi næstu vikurnar vegna samkomubanns í kjölfar útbreiðslu kórónaveirunnar. KKÍ tekur þó ekki ákvörðun um framhaldið fyrr en á morgun. Fari svo að deildin verði kláruð munu Þórsarar heimsækja KR-inga í næstu viku á meðan Grindavík fær Tindastól í heimsókn. Daníel: Hálf orðlaus Daníel Guðni Guðmundsson, þjálfari Grindavíkur, var að vonum afar svekktur í leikslok. „Maður er hálf orðlaus. Við vissum að Þórsarar myndu aldrei hætta að berjast en samt vorum við orðnir þægilegir með þetta og farnir að verja forskotið okkar. Við fórum aðeins í dómarana þegar við fengum ekki það sem við vildum og þetta var bara asnalegt hjá okkur. Við klikkum vítaskotum á ögurstundu og það er alveg glatað. Þórsararnir gerðu vel í að sækja þetta.“ Grindavík var miklu betri aðilinn í fyrri hálfleik og Daníel var ósáttur með að hafa ekki náð að fylgja því betur eftir.„Ég var mest vonsvikinn með að við skyldum færa þeim sjálfstraust í fyrri hálfleiknum. Við vorum komnir einhverjum 15 stigum yfir og þá ætluðum við að fara gera hlutina með annarri hendi og það gengur aldrei í körfubolta, sérstaklega ekki þegar þú ert að berjast við lið sem er að berjast fyrir lífi sínu. Þeir gerðu það vel og við féllum sannarlega á prófinu í kvöld.“ Grindavík er, þrátt fyrir tapið í kvöld, komið með annan fótinn í úrslitakeppnina þó Þór Þorlákshöfn gæti stolið 8.sætinu. Til þess þurfa ÞorlákshafnarÞórsarar sigur í Keflavík í leik sem stendur yfir þegar þetta er skrifað. Lárus: Þetta bjargaði deginum „Mér líður rosalega vel. Miðað við allar fréttir í dag og hvernig 2020 er búið að vera bjargaði þetta í það minnsta deginum,“ sagði Lárus Jónsson, þjálfari Þórs, í leikslok. „Það gekk mjög erfiðlega að ná að minnka forystuna. Mér fannst við spila miklu betur í síðari hálfleik. Vörnin okkar var hriplek í fyrri hálfleik en mér fannst við ná að þétta hana í síðari hálfleik en þá var Ingvi að setja niður stóra þrista fyrir þá. Við náðum aldrei að komast almennilega inn í þetta. Þetta var eiginlega bara kraftaverk í lokin. Ég held við höfum skorað 11 stig á rúmri mínútu.“ Lárus hrósaði sínu liði fyrir magnaðan karakter um leið og hann sagði ótrúlegt að finna fyrir stuðningi Þórsara í Höllinni í kvöld. „Strákarnir gáfust aldrei upp. Mér fannst bæði lið vera svolítið á hælunum í upphafi, kannski vegna aðstæðna í þjóðfélaginu. Menn voru búnir að vera að velta fyrir sér hvort það ætti að spila leikinn og þetta var svolítið eins og æfingaleikur í byrjun. Mér finnst ótrúlegt hvað það mættu margir og studdu við bakið á okkur. Það gerði gæfumuninn á þessum lokasekúndum,“ sagði Lárus. Þór þarf sigur gegn KR í lokaumferð deildarinnar og um leið þurfa Akureyringar að treysta á að Valur eða Þór Þorlákshöfn fái ekki fleiri stig. Óvissa ríkir hvenær og með hvaða hætti lokaumferð deildarinnar verður spiluð. „Við munum bara undirbúa okkur fyrir að spila við mjög öflugt lið KR, sennilega fyrir luktum dyrum og það er miður. Ef þú ert ekki að spila fyrir framan áhorfendur, til hvers ertu þá að spila íþróttir?“ sagði sigurreifur þjálfari Þórs að endingu.
Þór fékk Grindavík í heimsókn í 21.umferð Dominos deildar karla í körfubolta í Íþróttahöllina á Akureyri í kvöld. Það var fámennt í áhorfendastúkunum þegar leikurinn hófst en það átti reyndar eftir að bæta úr því þegar leið á leikinn. Það var engu líkara en að stemningsleysið í upphafi hafi smitað til leikmanna þar sem fyrsti leikhluti var afar hægur og fátt um fína drætti ef frá eru talin troðslutilþrif Seth LeDay. Gestirnir úr Grindavík stóðu heimamönnum framar og leiddu með tólf stigum eftir fyrsta leikhluta, 15-27. Þórsarar rönkuðu aðeins við sér í öðrum leikhluta en Grindvíkingar héldu heimamönnum í hæfilegri fjarlægð og leiddu með átta stigum í hálfleik, 38-46. Heimamenn mættu ákveðnir til leiks í síðari hálfleik og virðist vera sem Lárusi Jónssyni, þjálfara Þórs, hafi tekist að blása baráttuanda á ný í sína menn. Þrátt fyrir það gekk erfiðlega að vinna mun Grindavíkur niður. Þórsarar áttu góð áhlaup en þeim var jafnan svarað af krafti af gestunum. Staðan eftir þriðja leikhluta 61-68. Sömu sögu er að segja af fjórða leikhluta þar sem liðin skiptust á körfum og var fátt sem benti til þess að heimamenn myndu ná að snúa leiknum sér í vil. Þegar rétt rúm mínúta lifði leiks hafði Grindavík átta stiga forystu en þá gerðist eitthvað ótrúlegt. Hansel Atencia skoraði þriggja stiga körfu og strax í kjölfarið stal Jamal Palmer boltanum af Sigtryggi Arnari Björnsynni og minnkaði muninn niður í þrjú stig. Grindavík fór í sókn með 47 sekúndur á klukkunni og Miljan Rakic hljóp með boltann útaf. Í kjölfarið héldu Þórsarar í sókn sem lauk með sniðskoti Jamal Palmer sem rataði rétta leið og 8 sekúndur eftir af leiknum. Ingvi Þór Guðmundsson tók lokaskot gestanna utan þriggja stiga línunnar en það geigaði og raunar gerðu Þórsarar síðustu tvö stig leiksins af vítalínunni. Lokatölur 89-86 fyrir Þór. Afhverju vann Þór? Karakter og þrautseigja. Það er óhætt að segja að þessi orð hafi einkennt sveiflukennt tímabil Þórsara í Dominos deildinni í vetur og þau áttu svo sannarlega við í kvöld. Grindavík leiddi leikinn frá fyrstu mínútu til þeirrar síðustu en síðan ekki söguna meir á lokasekúndum. Og það þrátt fyrir að hafa haldið Þórsurum í góðri fjarlægð allan leikinn. Bestu menn vallarins? Hansel Atencia var stigahæstur Þórsara með 28 stig. Pablo Hernandez gerði 14 stig ásamt því að taka 14 fráköst en Jamal Palmer var frábær á lokamínútunni sem tryggði heimamönnum sigurinn. Seth LeDay var besti maður gestanna með 28 stig og mörg glæsileg tilþrif. Klúðraði þó fjórum vítaskotum þegar mest var undir sem reyndist Grindvíkingum afar dýrkeypt. Hvað er næst? Ólíklegt er að körfubolti verði leikin hér á landi næstu vikurnar vegna samkomubanns í kjölfar útbreiðslu kórónaveirunnar. KKÍ tekur þó ekki ákvörðun um framhaldið fyrr en á morgun. Fari svo að deildin verði kláruð munu Þórsarar heimsækja KR-inga í næstu viku á meðan Grindavík fær Tindastól í heimsókn. Daníel: Hálf orðlaus Daníel Guðni Guðmundsson, þjálfari Grindavíkur, var að vonum afar svekktur í leikslok. „Maður er hálf orðlaus. Við vissum að Þórsarar myndu aldrei hætta að berjast en samt vorum við orðnir þægilegir með þetta og farnir að verja forskotið okkar. Við fórum aðeins í dómarana þegar við fengum ekki það sem við vildum og þetta var bara asnalegt hjá okkur. Við klikkum vítaskotum á ögurstundu og það er alveg glatað. Þórsararnir gerðu vel í að sækja þetta.“ Grindavík var miklu betri aðilinn í fyrri hálfleik og Daníel var ósáttur með að hafa ekki náð að fylgja því betur eftir.„Ég var mest vonsvikinn með að við skyldum færa þeim sjálfstraust í fyrri hálfleiknum. Við vorum komnir einhverjum 15 stigum yfir og þá ætluðum við að fara gera hlutina með annarri hendi og það gengur aldrei í körfubolta, sérstaklega ekki þegar þú ert að berjast við lið sem er að berjast fyrir lífi sínu. Þeir gerðu það vel og við féllum sannarlega á prófinu í kvöld.“ Grindavík er, þrátt fyrir tapið í kvöld, komið með annan fótinn í úrslitakeppnina þó Þór Þorlákshöfn gæti stolið 8.sætinu. Til þess þurfa ÞorlákshafnarÞórsarar sigur í Keflavík í leik sem stendur yfir þegar þetta er skrifað. Lárus: Þetta bjargaði deginum „Mér líður rosalega vel. Miðað við allar fréttir í dag og hvernig 2020 er búið að vera bjargaði þetta í það minnsta deginum,“ sagði Lárus Jónsson, þjálfari Þórs, í leikslok. „Það gekk mjög erfiðlega að ná að minnka forystuna. Mér fannst við spila miklu betur í síðari hálfleik. Vörnin okkar var hriplek í fyrri hálfleik en mér fannst við ná að þétta hana í síðari hálfleik en þá var Ingvi að setja niður stóra þrista fyrir þá. Við náðum aldrei að komast almennilega inn í þetta. Þetta var eiginlega bara kraftaverk í lokin. Ég held við höfum skorað 11 stig á rúmri mínútu.“ Lárus hrósaði sínu liði fyrir magnaðan karakter um leið og hann sagði ótrúlegt að finna fyrir stuðningi Þórsara í Höllinni í kvöld. „Strákarnir gáfust aldrei upp. Mér fannst bæði lið vera svolítið á hælunum í upphafi, kannski vegna aðstæðna í þjóðfélaginu. Menn voru búnir að vera að velta fyrir sér hvort það ætti að spila leikinn og þetta var svolítið eins og æfingaleikur í byrjun. Mér finnst ótrúlegt hvað það mættu margir og studdu við bakið á okkur. Það gerði gæfumuninn á þessum lokasekúndum,“ sagði Lárus. Þór þarf sigur gegn KR í lokaumferð deildarinnar og um leið þurfa Akureyringar að treysta á að Valur eða Þór Þorlákshöfn fái ekki fleiri stig. Óvissa ríkir hvenær og með hvaða hætti lokaumferð deildarinnar verður spiluð. „Við munum bara undirbúa okkur fyrir að spila við mjög öflugt lið KR, sennilega fyrir luktum dyrum og það er miður. Ef þú ert ekki að spila fyrir framan áhorfendur, til hvers ertu þá að spila íþróttir?“ sagði sigurreifur þjálfari Þórs að endingu.
Dominos-deild karla Þór Akureyri UMF Grindavík Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Southampton leikur um laust sæti í ensku úrvalsdeildinni Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Tíunda tapið í röð hjá Íslendingaliði Balingen Handbolti Fleiri fréttir Jóhann: Brotnuðum auðveldlega Kristinn: Varnarleikur, varnarleikur og varnarleikur Valsmenn endurheimta Kára á besta tíma Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Martin og félagar hófu úrslitakeppnina á stórsigri 92 prósent sigurvegara leiks eitt frá árinu 2011 hafa orðið Íslandsmeistarar „Það helltust yfir mann bara alls konar tilfinningar“ Jafnaði met mömmu sinnar 29 árum síðar Stærsta tap meistara í sögu úrslitakeppninnar „Frábært að ná sigri í fyrsta leik og í svona svakalegum leik“ „Svíður mjög mikið að við séum ekki nógu klókar til að klára“ Uppgjörið og viðtöl: Keflavík - Njarðvík 94-91 | Tvíframlengdur spennutryllir Besti Belginn í Subway deildinni samdi við Hauka Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Sjá meira
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn
Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik