Handbolti

Þetta eru leiktímar Íslands í milliriðlinum

Eiríkur Stefán Ásgeirsson skrifar
Strákarnir okkar hefja leik í milliriðli klukkan 15:00 á föstudaginn.
Strákarnir okkar hefja leik í milliriðli klukkan 15:00 á föstudaginn. vísir/epa

Ísland spilar gegn Slóveníu í fyrsta leik sínum í millriðlakeppninni á EM í Svíþjóð snemma á föstudag. Slóvenía verður fyrsti andstæðingur Íslands og hefst leikur liðanna klukkan 15.00.

Strákarnir okkar spila einnig snemma á sunnudag, klukkan 13.00. Andstæðingur þeirra þá verður spútniklið Portúgals sem hóf mótið á því að leggja Frakka að velli.

Ísland lýkur svo milliriðlakeppninni á tveimur erfiðum leikjum gegn frændþjóðum okkar. Á þriðjudag klukkan 17.15 mætum við Norðmönnum, en lokaleikurinn verður kvöldleikur gegn gestgjöfum Svíþjóðar á miðvikudag.

Leiktímar Íslands:

Föstudagur 17. janúar klukkan 15.00: Slóvenía - Ísland

Sunnudagur 19. janúar klukkan 13.00: Portúgal - Ísland

Þriðjudagur 21. janúar klukkan 17.15: Noregur - Ísland

Miðvikudagur 22. janúar klukkan 19.30: Svíþjóð - Ísland

Ísland tapaði í dag fyrir Ungverjalandi í lokaleik sínum í riðlakeppninni, 18-24, og fer því án stiga í milliriðlakeppnina.

Tvö efstu liðin úr báðum milliriðlum komast í undanúrslit mótsins. Liðin sem hafna í þriðja sæti mætast í leik um fimmta sætið.

Staðan í milliriðli 2:

Noregur 2 stig

Ungverjaland 2

Slóvenía 2

Svíþjóð 0

Portúgal 0

Ísland 0


Tengdar fréttir

Aron: Skítlé­legir í síðari hálf­leik

Aron Pálmarsson, stórstjarna íslenska landsliðsins, segir að tapið gegn Ungverjum í kvöld skýrist best með "skítlélegum“ síðari hálfleik.

Guðmundur: Við þurfum að skoða frammistöðu okkar vel

Guðmundur Guðmundsson sagði að afspyrnuslakur kafli íslenska landsliðsins í síðari hálfleik gegn Ungverjum í dag hafi verið banabiti strákanna okkar. Tap Íslands þýðir að liðið fer stigalaust í milliriðlakeppnina.




Fleiri fréttir

Sjá meira


×