Enski boltinn

Traore fór úr axlarlið í gær en lék áfram

Runólfur Trausti Þórhallsson skrifar
Traore í baráttunni við Maguire í leiknum í gær.
Traore í baráttunni við Maguire í leiknum í gær. Vísir/Getty

Adama Traore, leikmaður Wolves í ensku úrvalsdeildinni, fór úr axlarlið í fyrri hálfleik gegn Manchester United er liðin mættust í ensku úrvalsdeildinni í gær. Traore lék hins vegar allt fram á 76. mínútu leiksins. 

Traore lenti í samstuði við Harry Maguire, fyrirliða Manchester United, en liðin gerðu markalaust jafntefli á Old Trafford í gær. Traore virðist hafa hrokkið beint aftur í lið þar sem honum var ekki skipt út af fyrr en í síðari hálfleik. 

Traore, líkt og aðrir leikmenn vallarins, átti ekki sinn besta dag fyrir framan markið en leikurinn var þriðja viðureign liðanna á leiktíðinni. Aðeins hefur eitt mark verið skorað í þessum þremur leikjum.

Nuno Esperito Santo, knattspyrnustjóri Wolves, sagði eftir leik að Traore hefði þegar lent í þessu áður á leiktíðinni. Þessi stóri og stæðilegi kantmaður fór nefnilega líka úr lið gegn Tottenham Hotspur.

Wolves eru eftir leikinn í gær í 6. sæti deildarinnar með 35 stig, líkt og Manchester United sem er með betri markatölu.

Enski boltinn Fótbolti

Tengdar fréttir

Vildi Bruno Fernandes fara til Wolves eftir allt saman?

Bruno Fernandes gekk í raðir Manchester United á miðvikudaginn var og lék sinn fyrsta leik fyrir félagið í gær þegar liðið gerði markalaust jafntefli við Wolverhampton Wanderers. Hann var svo óvænt mættur í treyju Wolves að leik loknum.

Markalaust hjá Manchester United og Wolves

Manchester United og Wolverhampton Wanderers gerðu markalaust jafntefli á Old Trafford í síðasta leik dagsins í enska boltanum. Var þetta fyrsti leikur Bruno Fernandes fyrir Man Utd en hann lék allan leikinn á miðju liðsins.

Mest lesið


Fleiri fréttir

Sjá meira


×

Mest lesið