Ætla að flytja þungt haldinn Covid-19 sjúkling með sjúkraflugi frá Ísafirði Birgir Olgeirsson skrifar 6. apríl 2020 19:45 Landspítali háskólasjúkrahús Fossvogi Vísir/Vilhelm Gunnarsson Sex hafa látist af völdum Covid-19 sjúkdómsins hér á landi og tæplega sextán hundruð verið greindir. Flytja á karlmann sem er þungt haldinn af Covid-19 með sjúkraflugi frá Ísafirði. Þyrla Landhelgisgæslunnar flutti tíu heilbrigðisstarfsmenn vestur á firði í dag. Eru þeir þangað mættir til að sinna íbúum hjúkrunarheimilisins Bergs í Bolungarvík. Meirihluti fastra starfsmanna er ýmist í einangrun eða sóttkví. Þar af fimm með staðfest smit. Bakvarðasveitin sem fór vestur í dag samanstendur af hjúkrunarfræðingum og sjúkraliðum.Hafþór Gunnarsson „Staðan er þung en við vinnum að því að leysa úr málunum. Stór hópur úr bakvarðarsveit kom með þyrlu núna seinnipartinn og leysir af starfsfólkið á Bergi. Það eru margir starfsmenn þar og íbúar sem eru veikir af Covid-19 og það er alvarlegt ástand. Þeir sem komu með bakvarðarsveitinni voru hjúkrunarfræðingar og sjúkraliðar sem er afskaplega mikilvægur liðsstyrkur. Svo á næstu dögum munu koma fleiri munu koma fleiri til að leysa af til að dekka páskahelgina og vikuna,“ segir Gylfi Ólafsson forstjóri Heilbrigðisstofnunar Vestfjarða. Gylfi Ólafsson forstjóri heilbrigðisstofnunar Vestfjarða hefur þurft að kalla til fólk úr bakvarðasveit til að manna deildir. Tveir íbúa á Bergi sýktir af kórónuveirunni og þrír heimilismenn í einangrun og búið að taka sýni. Fimm íbúar eru í sóttkví án einkenna. „Hugur okkar og athygli hefur verið á hjúkrunarheimilinu þar sem starfsmenn og íbúar eru smitaðir og reyna að leysa úr því. Við leggjum kapp á að íbúunum líði vel en þetta eru vitanlega skrýtnar aðstæður þar sem starfsmenn þurfa að koma í fullum hlífðarbúnaðarskrúða og lítur þá svolítið út eins og geimverur. Heimsóknarbann hefur ríkt. Aðstandendur hafa komið og bankað á gluggana hjá íbúum til að spjalla við íbúana í gegnum gluggann. Höfuðáhersla okkar er að þjóna fólki vel sem býr á hjúkrunarheimilinu og starfsfólkið sem er veikt fái umönnun og aðstoð sem með þarf.“ Einn íbúa Bergs lést af völdum Covid-19 í gær. Sá var 82 ára að aldri. Er fjöldi þeirra sem hefur látist úr Covid-19 hér á landi því sex. 42 hafa greinst með veiruna á norðanverðum Vestfjörðum og eru 335 í sóttkví. Beðið er eftir niðurstöðu úr nokkrum tugum sýna. „Sérstaklega eru það hópsmit á Ísafirði og í Bolungarvík. Það er eitt smit komið á Flateyri. Það eru nokkrir tugir sýna sem við bíðum eftir að fá niðurstöðu úr. Þetta voru tveir skammtar sem voru gerðir á Ísafirði í dag og tíu sýni fóru frá Patreksfirði. Það er mikið álag á veirufræðideildinni fyrir sunnan. Aðstæður hjá okkur eru þannig að það hefur verið ófærð hér yfir helgina. Samgöngur eru með þeim hætti að allar greiningar tefjast um sólarhring því það þarf að koma sýnunum suður. Það getur haft sín áhrif. Ef það kemur upp grunur um smit á einhverjum deildum heilbrigðisstofnunarinnar þarf að setja marga starfsmenn í sóttkví á sama tíma. Það starfsfólk er þá úr leik í tvo til þrjá daga meðan sýnin eru greind. Blessunarlega hafa þau flest komið neikvæð til baka og þá höfum við geta sett fólkið aftur til baka í störf en þetta veldur álagi á stofnunina þegar þetta gerist.“ Heilbrigðisstofnun Vestfjarða þarf að senda þá suður með sjúkraflugi sem veikjast alvarlega af Covid-19. Karlmaður þungt haldinn af Covid-19 var lagður inn á sjúkrahúsið á Ísafirði í dag. Til stendur að flytja hann suður með sjúkraflugi í kvöld. Gylfi segir smitrakningu ganga ágætlega. „Okkur finnst við vera með þokkalegt tak á smitrakningunni og höfum unnið það í þéttri samvinnu við smitrakningateymið í Reykjavík. En samfélagið fyrir vestan er lítið þannig að við þekkjum hver er giftur hverjum og hver er bróðir hvers og svo framvegis. Við getum því oft verið snögg til og gripið inn í með skjótari hætti en ella hefði verið. Einmitt vegna þess að flutningurinn á sýnum suður veldur töf í smitrakningunni. Þannig að við getum náð að vera skrefi á undan með því að taka virkan þátt í þessu og þekkja samfélagið.“ Sjö sjúklingar á öldrunarspítalanum Landakoti hafa greinst með kórónuveiru auk tíu starfsmanna. Þá var deild á Hrafnistu í Hafnarfirði sett í sóttkví. Enginn 800 íbúa á Hrafnistuheimilinu átta hefur enn greinst smitaður. 1.562 hafa greinst með veiruna hér á landi, þar af 74 síðasta sólarhringinn. 460 hafa náð bata. 37 eru á sjúkrahúsi, þar af 11 á gjörgæslu. Foto: HÞ Faraldur kórónuveiru (COVID-19) Ísafjarðarbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Lífið heldur áfram eftir svona áfall“ Innlent „Skrímsladeildin“ hafi skorið upp herör gegn mótframbjóðendum Katrínar Innlent Sló til starfsmanns og beit viðskiptavin Innlent Halla Hrund eigi langt í land með að tryggja sér embættið Innlent Hvernig ætlar ríkið að sækja milljónirnar 360 sem Haraldur gaf? Innlent Sú sem var oftast nefnd ekki ein af fjórum efstu í könnunum Innlent Hefur ekki áhuga á slúðurfréttum af öðrum frambjóðendum Innlent Ríflega fjörutíu prósent líst illa á Katrínu Innlent Forsetavaktin 2024: Hver verður sjöundi forseti lýðveldisins? Innlent Varaforsetaefni í bobba vegna hundsdráps og meints fundar með Kim Erlent Fleiri fréttir Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Sjá meira
Sex hafa látist af völdum Covid-19 sjúkdómsins hér á landi og tæplega sextán hundruð verið greindir. Flytja á karlmann sem er þungt haldinn af Covid-19 með sjúkraflugi frá Ísafirði. Þyrla Landhelgisgæslunnar flutti tíu heilbrigðisstarfsmenn vestur á firði í dag. Eru þeir þangað mættir til að sinna íbúum hjúkrunarheimilisins Bergs í Bolungarvík. Meirihluti fastra starfsmanna er ýmist í einangrun eða sóttkví. Þar af fimm með staðfest smit. Bakvarðasveitin sem fór vestur í dag samanstendur af hjúkrunarfræðingum og sjúkraliðum.Hafþór Gunnarsson „Staðan er þung en við vinnum að því að leysa úr málunum. Stór hópur úr bakvarðarsveit kom með þyrlu núna seinnipartinn og leysir af starfsfólkið á Bergi. Það eru margir starfsmenn þar og íbúar sem eru veikir af Covid-19 og það er alvarlegt ástand. Þeir sem komu með bakvarðarsveitinni voru hjúkrunarfræðingar og sjúkraliðar sem er afskaplega mikilvægur liðsstyrkur. Svo á næstu dögum munu koma fleiri munu koma fleiri til að leysa af til að dekka páskahelgina og vikuna,“ segir Gylfi Ólafsson forstjóri Heilbrigðisstofnunar Vestfjarða. Gylfi Ólafsson forstjóri heilbrigðisstofnunar Vestfjarða hefur þurft að kalla til fólk úr bakvarðasveit til að manna deildir. Tveir íbúa á Bergi sýktir af kórónuveirunni og þrír heimilismenn í einangrun og búið að taka sýni. Fimm íbúar eru í sóttkví án einkenna. „Hugur okkar og athygli hefur verið á hjúkrunarheimilinu þar sem starfsmenn og íbúar eru smitaðir og reyna að leysa úr því. Við leggjum kapp á að íbúunum líði vel en þetta eru vitanlega skrýtnar aðstæður þar sem starfsmenn þurfa að koma í fullum hlífðarbúnaðarskrúða og lítur þá svolítið út eins og geimverur. Heimsóknarbann hefur ríkt. Aðstandendur hafa komið og bankað á gluggana hjá íbúum til að spjalla við íbúana í gegnum gluggann. Höfuðáhersla okkar er að þjóna fólki vel sem býr á hjúkrunarheimilinu og starfsfólkið sem er veikt fái umönnun og aðstoð sem með þarf.“ Einn íbúa Bergs lést af völdum Covid-19 í gær. Sá var 82 ára að aldri. Er fjöldi þeirra sem hefur látist úr Covid-19 hér á landi því sex. 42 hafa greinst með veiruna á norðanverðum Vestfjörðum og eru 335 í sóttkví. Beðið er eftir niðurstöðu úr nokkrum tugum sýna. „Sérstaklega eru það hópsmit á Ísafirði og í Bolungarvík. Það er eitt smit komið á Flateyri. Það eru nokkrir tugir sýna sem við bíðum eftir að fá niðurstöðu úr. Þetta voru tveir skammtar sem voru gerðir á Ísafirði í dag og tíu sýni fóru frá Patreksfirði. Það er mikið álag á veirufræðideildinni fyrir sunnan. Aðstæður hjá okkur eru þannig að það hefur verið ófærð hér yfir helgina. Samgöngur eru með þeim hætti að allar greiningar tefjast um sólarhring því það þarf að koma sýnunum suður. Það getur haft sín áhrif. Ef það kemur upp grunur um smit á einhverjum deildum heilbrigðisstofnunarinnar þarf að setja marga starfsmenn í sóttkví á sama tíma. Það starfsfólk er þá úr leik í tvo til þrjá daga meðan sýnin eru greind. Blessunarlega hafa þau flest komið neikvæð til baka og þá höfum við geta sett fólkið aftur til baka í störf en þetta veldur álagi á stofnunina þegar þetta gerist.“ Heilbrigðisstofnun Vestfjarða þarf að senda þá suður með sjúkraflugi sem veikjast alvarlega af Covid-19. Karlmaður þungt haldinn af Covid-19 var lagður inn á sjúkrahúsið á Ísafirði í dag. Til stendur að flytja hann suður með sjúkraflugi í kvöld. Gylfi segir smitrakningu ganga ágætlega. „Okkur finnst við vera með þokkalegt tak á smitrakningunni og höfum unnið það í þéttri samvinnu við smitrakningateymið í Reykjavík. En samfélagið fyrir vestan er lítið þannig að við þekkjum hver er giftur hverjum og hver er bróðir hvers og svo framvegis. Við getum því oft verið snögg til og gripið inn í með skjótari hætti en ella hefði verið. Einmitt vegna þess að flutningurinn á sýnum suður veldur töf í smitrakningunni. Þannig að við getum náð að vera skrefi á undan með því að taka virkan þátt í þessu og þekkja samfélagið.“ Sjö sjúklingar á öldrunarspítalanum Landakoti hafa greinst með kórónuveiru auk tíu starfsmanna. Þá var deild á Hrafnistu í Hafnarfirði sett í sóttkví. Enginn 800 íbúa á Hrafnistuheimilinu átta hefur enn greinst smitaður. 1.562 hafa greinst með veiruna hér á landi, þar af 74 síðasta sólarhringinn. 460 hafa náð bata. 37 eru á sjúkrahúsi, þar af 11 á gjörgæslu. Foto: HÞ
Faraldur kórónuveiru (COVID-19) Ísafjarðarbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Lífið heldur áfram eftir svona áfall“ Innlent „Skrímsladeildin“ hafi skorið upp herör gegn mótframbjóðendum Katrínar Innlent Sló til starfsmanns og beit viðskiptavin Innlent Halla Hrund eigi langt í land með að tryggja sér embættið Innlent Hvernig ætlar ríkið að sækja milljónirnar 360 sem Haraldur gaf? Innlent Sú sem var oftast nefnd ekki ein af fjórum efstu í könnunum Innlent Hefur ekki áhuga á slúðurfréttum af öðrum frambjóðendum Innlent Ríflega fjörutíu prósent líst illa á Katrínu Innlent Forsetavaktin 2024: Hver verður sjöundi forseti lýðveldisins? Innlent Varaforsetaefni í bobba vegna hundsdráps og meints fundar með Kim Erlent Fleiri fréttir Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Sjá meira