Öxnadalsheiði var lokað upp úr klukkan hálftólf í dag vegna veðurs. Að því er segir á vef Vegagerðarinnar er ekki búist við opnun fyrr en í fyrramálið miðað við veðurspá.
Eru vegfarendur beðnir um að fylgjast með færðarkortinu á vef Vegagerðarinnar.
Samkvæmt spákorti Veðurstofu Íslands er mjög hvasst og mikil snjókoma á heiðinni og er búist við áframhaldandi hvassviðri og úrkomu í dag, kvöld og nótt.
