Þrjátíu ár frá óvæntustu úrslitum boxsögunnar Ingvi Þór Sæmundsson skrifar 11. febrúar 2020 13:00 Buster Douglas varð sá fyrsti til að slá Mike Tyson í gólfið. vísir/getty Í dag, 11. febrúar, eru nákvæmlega 30 ár frá einum óvæntustu, ef ekki óvæntustu, úrslitum hnefaleikasögunnar. Á þessum degi fyrir þremur áratugum rotaði lítt þekktur boxari, Buster Douglas að nafni, ósigraða heimsmeistarann Mike Tyson í Tokyo Dome. Fáir ef einhverjir höfðu trú á því að Douglas ætti möguleika gegn Tyson sem hafði mikla yfirburði í þungavigtinni á þessum tíma. Og hann var jafnvel talinn besti boxari heims, pund fyrir pund. Enginn átti roð í ungan Tyson.vísir/getty Tyson vann fyrstu 37 bardaga sína á ferlinum, þar af 33 með rothöggi. Hann vann tólf af fyrstu 19 bardögum sínum með rothöggi í 1. lotu. Flestir voru búnir að tapa fyrir Tyson áður en þeir stigu inn í hringinn. Maðurinn með járnhnefann rotaði alla sem á vegi hans urðu og tók sér sjaldnast mikinn tíma í það. Í síðasta bardaga sínum fyrir rimmuna við Douglas rotaði Tyson Carl Williams eftir aðeins 93 sekúndur. Flestir litu á að bardaginn við Douglas væri létt upphitun fyrir væntanlegan bardaga Tysons við Evander Holyfield sem varð þó ekki að veruleika fyrr en 1996. Líkur Douglas á að vinna voru aðeins 42-1. Tyson var hins vegar illa fyrirkallaður á meðan Douglas hafði aldrei verið í betra formi á ævinni. Og Douglas ákvað að berjast þrátt fyrir að móðir hans hefði látist 23 dögum fyrir bardagann. Hornamenn Tysons voru álíka illa undirbúnir og hann sjálfur gegn Douglas.vísir/getty Douglas veiktist daginn fyrir bardagann en það var ekki að sjá á frammistöðu hans gegn heimsmeistaranum sem var ólíkur sjálfum sér. Þetta var annar titilbardagi Douglas á ferlinum. Þremur árum fyrr tapaði hann fyrir Tony Tucker. Faðir Douglas, fyrrverandi boxarinn William „Dynamite“ Douglas, var svo svekktur með soninn að hann gekk út úr salnum. Það var ekki bara Tyson sem var óundirbúinn heldur einnig hornamennirnir hans sem gleymdu m.a. að koma með íspoka. Sögum ber ekki saman hvort þeir hafi fyllt plasthanska eða smokka með klökum til að kæla augað á Tyson sem var orðið bólgið. Klaufalegar aðfarir þeirra gerðu illt verra fyrir Tyson sem átti undir högg að sækja í bardaganum. Tyson leitar að munnstykkinu sínu á meðan dómarann Octavio Meyran telur.vísir/getty Tyson virtist hins vegar hafa bjargað sér fyrir horn þegar hann sló Douglas niður í áttundu lotu. Hann stóð hins vegar upp áður en talningu dómarans, Octavio Meyran, lauk. Hún var umdeild og margir töldu að Meyran hefði byrjað of seint að telja. Í níundu lotu varðist Douglas árásum Tysons og í þeirri tíundu sló hann heimsmeistarann svo niður. Tyson var álíka hissa og allir í salnum enda var þetta í fyrsta sinn sem hann var sleginn niður á ferlinum. Tyson komst ekki á fætur áður en talningu Meyrans lauk og því var fyrsta tap hans á ferlinum staðreynd. Douglas hafði tekist hið ómögulega, að vinna sjálfan Mike Tyson. Douglas grét gleðitárum eftir bardagann og tileinkaði móður sinni heitinni sigurinn. Haukar í horni Tysons, þ.á.m. Don King, hvöttu til þess að úrslitin yrðu ógild vegna rangrar talningar. Douglas fékk sigurinn staðfestan á endanum en hann viðurkenndi að mótmæli Kings og félaga hefðu dregið úr gleðinni að vinna bardagann. Douglas var ekki lengi á toppnum en enginn mun gleyma sigri hans á Tyson.vísir/getty Ekkert varð af því að þeir Douglas og Tyson mættust aftur. Í næsta bardaga sínum, titilvörninni, tapaði þungur og þreyttur Douglas fyrir Holyfield og lagði hanskana á hilluna eftir það. Hann byrjaði aftur sex árum síðar en náði sér ekki aftur á strik. Tyson barðist fjórum sinnum í viðbót áður en hann var dæmdur í fangelsi fyrir nauðgun 1991. Tyson náði titlunum sínum aftur eftir að honum var sleppt lausum en tapaði þeim til Holyfields. Hann hætti fyrir fullt og allt 2005. Forsíða Sports Illustrated þar sem Douglas var líkt við Rocky Balboa. Þeir komu báðir eins og skrattinn úr sauðaleggnum og skutust upp á stjörnuhimininn.vísir/getty Box Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn United niðurlægt í Malasíu Enski boltinn Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti „Skeptískir að einhver Íslendingur gæti gert Brann að góðu fótboltaliði“ Fótbolti Fleiri fréttir Magdeburg á toppinn eftir enn einn stórleikinn hjá Ómari og Gísla Í beinni: Real Betis - Chelsea | Barist um titil í Póllandi Damir þakkar fyrir sig eftir stutta dvöl í Asíu Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Steinhissa á að leikmaður sinn væri mættur á úrslitaleikinn Sjáðu Ísold kasta sér yfir línuna þegar Íslandsmet féll Fanndís kölluð inn í landsliðið eftir fimm ára fjarveru Leita til Liverpool að nýjum kollega Hákonar Ólympíumeistari handtekinn fyrir ölvunarakstur „Sumir þurftu því miður að yfirgefa svæðið“ „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Lífsferill íþróttamannsins: Dökkar hliðar afreksíþrótta Dómari í máli Maradona hættir vegna umdeildrar þátttöku í heimildaþáttaröð „Skeptískir að einhver Íslendingur gæti gert Brann að góðu fótboltaliði“ Þeir bestu (3. sæti): Sannkallaður Benjamin Button Hólmbert skiptir um félag Sagður undir áhrifum, pissa í klefa Roma og senda tvo á sjúkrahús Biðst afsökunar á afar ljótum ummælum í Árbæ Munda missir af landsleik vegna útskriftar úr Harvard Átti einstakan leik og biðinni frá aldamótum að ljúka Eiginkonurnar fljúga frítt á meðan starfsmennirnir sitja eftir heima Dagskráin í dag: Úrslitaleikur Sambandsdeildarinnar Stuðningsmenn Chelsea köstuðu glösum og stólum í Póllandi Grindavík sækir besta leikmann Hamars/Þórs „Ég er svo pirruð, ég er svo pirruð“ Fimm íslensk gullverðlaun í hús á fyrsta degi Smáþjóðaleikanna Nýr sex ára samningur hjá Lamine Yamal Sjá meira
Í dag, 11. febrúar, eru nákvæmlega 30 ár frá einum óvæntustu, ef ekki óvæntustu, úrslitum hnefaleikasögunnar. Á þessum degi fyrir þremur áratugum rotaði lítt þekktur boxari, Buster Douglas að nafni, ósigraða heimsmeistarann Mike Tyson í Tokyo Dome. Fáir ef einhverjir höfðu trú á því að Douglas ætti möguleika gegn Tyson sem hafði mikla yfirburði í þungavigtinni á þessum tíma. Og hann var jafnvel talinn besti boxari heims, pund fyrir pund. Enginn átti roð í ungan Tyson.vísir/getty Tyson vann fyrstu 37 bardaga sína á ferlinum, þar af 33 með rothöggi. Hann vann tólf af fyrstu 19 bardögum sínum með rothöggi í 1. lotu. Flestir voru búnir að tapa fyrir Tyson áður en þeir stigu inn í hringinn. Maðurinn með járnhnefann rotaði alla sem á vegi hans urðu og tók sér sjaldnast mikinn tíma í það. Í síðasta bardaga sínum fyrir rimmuna við Douglas rotaði Tyson Carl Williams eftir aðeins 93 sekúndur. Flestir litu á að bardaginn við Douglas væri létt upphitun fyrir væntanlegan bardaga Tysons við Evander Holyfield sem varð þó ekki að veruleika fyrr en 1996. Líkur Douglas á að vinna voru aðeins 42-1. Tyson var hins vegar illa fyrirkallaður á meðan Douglas hafði aldrei verið í betra formi á ævinni. Og Douglas ákvað að berjast þrátt fyrir að móðir hans hefði látist 23 dögum fyrir bardagann. Hornamenn Tysons voru álíka illa undirbúnir og hann sjálfur gegn Douglas.vísir/getty Douglas veiktist daginn fyrir bardagann en það var ekki að sjá á frammistöðu hans gegn heimsmeistaranum sem var ólíkur sjálfum sér. Þetta var annar titilbardagi Douglas á ferlinum. Þremur árum fyrr tapaði hann fyrir Tony Tucker. Faðir Douglas, fyrrverandi boxarinn William „Dynamite“ Douglas, var svo svekktur með soninn að hann gekk út úr salnum. Það var ekki bara Tyson sem var óundirbúinn heldur einnig hornamennirnir hans sem gleymdu m.a. að koma með íspoka. Sögum ber ekki saman hvort þeir hafi fyllt plasthanska eða smokka með klökum til að kæla augað á Tyson sem var orðið bólgið. Klaufalegar aðfarir þeirra gerðu illt verra fyrir Tyson sem átti undir högg að sækja í bardaganum. Tyson leitar að munnstykkinu sínu á meðan dómarann Octavio Meyran telur.vísir/getty Tyson virtist hins vegar hafa bjargað sér fyrir horn þegar hann sló Douglas niður í áttundu lotu. Hann stóð hins vegar upp áður en talningu dómarans, Octavio Meyran, lauk. Hún var umdeild og margir töldu að Meyran hefði byrjað of seint að telja. Í níundu lotu varðist Douglas árásum Tysons og í þeirri tíundu sló hann heimsmeistarann svo niður. Tyson var álíka hissa og allir í salnum enda var þetta í fyrsta sinn sem hann var sleginn niður á ferlinum. Tyson komst ekki á fætur áður en talningu Meyrans lauk og því var fyrsta tap hans á ferlinum staðreynd. Douglas hafði tekist hið ómögulega, að vinna sjálfan Mike Tyson. Douglas grét gleðitárum eftir bardagann og tileinkaði móður sinni heitinni sigurinn. Haukar í horni Tysons, þ.á.m. Don King, hvöttu til þess að úrslitin yrðu ógild vegna rangrar talningar. Douglas fékk sigurinn staðfestan á endanum en hann viðurkenndi að mótmæli Kings og félaga hefðu dregið úr gleðinni að vinna bardagann. Douglas var ekki lengi á toppnum en enginn mun gleyma sigri hans á Tyson.vísir/getty Ekkert varð af því að þeir Douglas og Tyson mættust aftur. Í næsta bardaga sínum, titilvörninni, tapaði þungur og þreyttur Douglas fyrir Holyfield og lagði hanskana á hilluna eftir það. Hann byrjaði aftur sex árum síðar en náði sér ekki aftur á strik. Tyson barðist fjórum sinnum í viðbót áður en hann var dæmdur í fangelsi fyrir nauðgun 1991. Tyson náði titlunum sínum aftur eftir að honum var sleppt lausum en tapaði þeim til Holyfields. Hann hætti fyrir fullt og allt 2005. Forsíða Sports Illustrated þar sem Douglas var líkt við Rocky Balboa. Þeir komu báðir eins og skrattinn úr sauðaleggnum og skutust upp á stjörnuhimininn.vísir/getty
Box Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn United niðurlægt í Malasíu Enski boltinn Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti „Skeptískir að einhver Íslendingur gæti gert Brann að góðu fótboltaliði“ Fótbolti Fleiri fréttir Magdeburg á toppinn eftir enn einn stórleikinn hjá Ómari og Gísla Í beinni: Real Betis - Chelsea | Barist um titil í Póllandi Damir þakkar fyrir sig eftir stutta dvöl í Asíu Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Steinhissa á að leikmaður sinn væri mættur á úrslitaleikinn Sjáðu Ísold kasta sér yfir línuna þegar Íslandsmet féll Fanndís kölluð inn í landsliðið eftir fimm ára fjarveru Leita til Liverpool að nýjum kollega Hákonar Ólympíumeistari handtekinn fyrir ölvunarakstur „Sumir þurftu því miður að yfirgefa svæðið“ „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Lífsferill íþróttamannsins: Dökkar hliðar afreksíþrótta Dómari í máli Maradona hættir vegna umdeildrar þátttöku í heimildaþáttaröð „Skeptískir að einhver Íslendingur gæti gert Brann að góðu fótboltaliði“ Þeir bestu (3. sæti): Sannkallaður Benjamin Button Hólmbert skiptir um félag Sagður undir áhrifum, pissa í klefa Roma og senda tvo á sjúkrahús Biðst afsökunar á afar ljótum ummælum í Árbæ Munda missir af landsleik vegna útskriftar úr Harvard Átti einstakan leik og biðinni frá aldamótum að ljúka Eiginkonurnar fljúga frítt á meðan starfsmennirnir sitja eftir heima Dagskráin í dag: Úrslitaleikur Sambandsdeildarinnar Stuðningsmenn Chelsea köstuðu glösum og stólum í Póllandi Grindavík sækir besta leikmann Hamars/Þórs „Ég er svo pirruð, ég er svo pirruð“ Fimm íslensk gullverðlaun í hús á fyrsta degi Smáþjóðaleikanna Nýr sex ára samningur hjá Lamine Yamal Sjá meira