Tilkynnti brotthvarf hermanna

George Bush, Bandaríkjaforseti, tilkynnti í dag að milli 60 og 70 þúsund bandarískir hermenn verði kallaðir heim frá Evrópu og Asíu á næstu 10 árum. Þetta er viðbót við fyrri áætlanir um brotthvarf hermanna frá Evrópu, sem meðal annars snerta Ísland. Nú er gert ráð fyrir að í stað hermanna komi sumstaðar til hátæknivarnarbúnaður, þar á meðal orustuþotur, til að fylla í skarðið sem minni mannskapur myndar. Talsmaður varnarmálaráðuneytsins segir að hér sé um að ræða endurskipulagningu hersins vegna breyttra aðstæðna, hann þurfi að vera hreyfanlegri vegna baráttunnar gegn hryðjuverkum.