Sjokkeraði Fallon og félaga með froskatöfrabragði

Það virðist vera fátt sem töframaðurinn David Blaine getur ekki gert ef marka má innkomu hans í spjallþátt Jimmy Fallon á dögunum þar sem hann heillaði Fallon félaga í hljómsveitinni The Roots upp úr skónum með mögnuðum töfrabrögðum.

Blaine sýndi nokkra hefðbundna spilagaldra áður en að hann dembdi sér í aðalnúmer atriðisins, að breyta vatni í frosk sem virðist hafa tekist svona glimrandi vel líkt og sjá má í myndbandinu hér að neðan.

Ljóst er að Fallon og The Roots trúðu vart sínum eigin augum þegar froskurinn skreið úr munni Blaine.