Mesta úrkoman í borginni í dag

Mesta úrkoma landsins í dag mældist á Reykjavíkursvæðinu að sögn veðurfræðinga Veðurstofunnar. Það þykir fremur óvenjulegt.

Úrkoman í Reykjavík mældist 7,3 millimetrar. „Þetta voru bara skúradembur," segir veðurfræðingur, en rigningin virðist að mestu hafa fallið á einum hálftíma. „Milli klukkan hálf fimm og fimm virðist þetta allt hafa komið."

Útlit er fyrir svipað verður næstu daga. „Það verður úrkomusamt hérna sunnanlands um helgina. En samt svona þokkalega milt veður," segir veðurfræðingur.