Sjáðu fyrstu stikluna úr John Wick 3

Fyrsta stiklan fyrir þriðju kvikmyndarinnar um John Wick leit dagsins ljós í gær.

Stiklan var frumsýnd í gær og má þar sjá Keanu Reeves, aðalleikara myndarinnar í miklum ham. Myndin, sem ber hið frumlega nafn John Wick: Chapter 3 - Parabellum, er framhald myndanna um Wick en fyrsta myndin kom út árið 2014 og síðan kom seinni myndin út árið 2017.

Í fyrstu tveimur kvikmyndunum leikur Keanu mann sem var áður leigumorðingi og stendur í ströngu við mafíuna.

Hér að neðan má sjá stikluna úr þriðju myndinni en með aðalhlutverk fara: Keanu Reeves, Halle Berry og Laurence Fishburne. Lífið er ekkert rólegra hjá Wick í þeirri þriðju. Myndin verður frumsýnd í maí á þessu ári.