Viðskipti innlent

Efling potar í þekkt fólk úr skemmtanaiðnaðinum vegna auglýsinga Eldum rétt

Jakob Bjarnar skrifar
Ilmur, Salka Sól og Emmsjé Gauti í hlutverkum sínum.
Ilmur, Salka Sól og Emmsjé Gauti í hlutverkum sínum. Eldum Rétt

„Eldum rétt rekur nú auglýsingaherferð með þekktum einstaklingum úr skemmtanaiðnaðinum, þar á meðal Emmsjé Gauta, Sölku Sól og Ilmi Kristjánsdótur.“ Þetta þykir stéttarfélaginu Eflingu mikilvægt að komi fram í samhengi við deilur Eflingar og Eldum rétt í ljósi upplýsinga sem fram komu í dag þess efnis að Eldum rétt hefði haft sex starfsmenn á leigu í þrjár til fjórar vikur hjá starfsmannaleigunni Menn í vinnu.



Efling og Eldum rétt takast nú á fyrir dómi vegna stefnu rúmenskra verkamanna á hendur síðarnefnda fyrirtækinu fyrir ólöglegan launafrádrátt og nauðungarvinnu. Efling rekur málið fyrir Rúmenana. Í tilkynningu á vef Eflingar kemur fram að í dómsskjölum sem lögð hafi verið fram vegna dómsmálsins komi fram að framkvæmdastjóri Eldum rétt hafi sagt fjölmiðlum ósatt þegar málið var til umfjöllunar fyrr á árinu.



Menn í vinnu var til umfjöllunar í Kveik árið 2018 sem varð tilefni til mikils uppþots í samfélaginu. Starfsmannaleigan hefur síðan verið úrskurðuð gjaldþrota en vann á dögunum mál gegn starfsmanni ASÍ fyrir ærumeiðingar í fjölmiðlum.



Efling minnir á að sömu stjórnendur og ráku Menn í vinnu reki í dag starfsmannaleiguna Seiglu ehf. undir nýrri kennitölu.

Kristófer Júlíus Leifsson, framkvæmdastjóri Eldum rétt, tjáði Vísi í júlí að fyrirtækið hefði ráðið starfsfólk frá Mönnum í vinnu og þeir hefðu aðeins unnið þar í fjóra daga. Reikningurinn sem Efling krefðist að yrði greiddur væri fyrir miklu hærri upphæð.



Á heimasíðu Eflingar, hvar framkvæmdastjórinn Viðar Þorsteinsson stingur oftast niður penna, er fjallað um nýju dómskjölin.



„Umrædd dómsskjöl sýna með óyggjandi hætti að þrír verkamenn frá Mönnum í vinnu unnu í fjórar vikur hjá Eldum rétt og einn í þrjár viku. Þetta má sjá í tímaskýrslum sem lögmannsstofa Eldum rétt lagði sjálf fram. Reikningur frá starfsmannaleigunni til Eldum rétt sýnir fram á hið sama, en þar eru nöfn verkamannanna og talin upp undir liðnum „vöruheiti“.“



Farið er hörðum orðum um Eldum rétt í tilkynningunni og þrír íslenskir listamenn drengir inn í málið. Leikkonan Ilmur Kristjánsdóttir, söng- og leikkonan Salka Sól Eyfeld og rapparinn Emmsjé Gauti. Má ráða að listamennirnir eigi að skammast sín fyrir að taka að sér að auglýsa Eldum rétt en auglýsingarnar hafa verið áberandi í sjónvarpi.



„Eldum rétt rekur nú auglýsingaherferð með þekktum einstaklingum úr skemmtanaiðnaðinum, þar á meðal Emmsjé Gauta, Sölku Sól og Ilmi Kristjánsdótur.“

Tengd skjöl


Tengdar fréttir




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,25
24
5.246
EIM
1,48
1
959
SYN
1,26
3
330
ICESEA
1,17
8
83.177
TM
0,7
2
18.879

Mesta lækkun dagsins


Félag
Br.%
Fjöldi
Velta*
ARION
-2,23
10
116.903
EIK
-1,58
1
10.260
REITIR
-0,97
2
5.334
SIMINN
-0,76
9
206.046
HAGA
-0,7
11
129.534
Velkomin á Vísi. Þessi vefur notar vafrakökur. Sjá nánar.