Körfubolti

Hard­en í stuði hjá Hou­ston og Luka Doncic jafnaði met Jordan | Mynd­bönd

Anton Ingi Leifsson skrifar
Doncic var frábær í nótt, enn og aftur.
Doncic var frábær í nótt, enn og aftur. vísir/getty

Fimm leikir fóru fram í NBA-körfuboltanum í nótt. Luka Doncic heldur áfram að fara á kostum hjá Dallas Mavericks sem vann sinn fimmta leik í röð.

Dallas rúllaði yfir New Orleans á heimavelli en heimamenn unnu með 46 stiga mun, 130-84, eftir að staðan hafi verið 64-52 í hálfleik.

Luka Doncic jafnaði met Michael Jordan en hann hefur nú leikið átján leiki í röð þar sem hann skoraði tuttugu stig eða meira, gefur fimm stoðsendingar eða fleiri og tekur fimm fráköst eða fleiri.





Hann endaði leikinn í nótt með 26 stig, sex fráköst og níu stoðsendingar en Dallas hefur unnið 16 af fyrstu 22 leikjum sínum. New Orleans hefur einungis unnið sex af fyrstu 23.

James Harden átti góðan leik fyrir Houston sem vann sex stiga sigur, 115-109, á Phoenix á heimavelli. Harden gerði 34 stig en Houston er í öðru sæti suðvesturdeildarinnar.

Öll úrslit næturinnar:
New Orleans - Dallas 84-130
Indiana - New York 104-103
Cleveland - Philadelphia 94-1411
Phoenix - Houston 109-115
Memphis - Utah 112-126


NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.