Viðskipti innlent

Íbúðaverð heldur áfram að hækka

Sunna Kristín Hilmarsdóttir skrifar
Í Hagsjánni segir að verð á fjölbýli hækkaði um 0,8% milli september og október en á móti lækkaði verð á sérbýli um 0,5%.
Í Hagsjánni segir að verð á fjölbýli hækkaði um 0,8% milli september og október en á móti lækkaði verð á sérbýli um 0,5%. vísir/vilhelm
Íbúðaverð hækkaði um 0,5% milli mánaða í október og er þetta þriðji mánuðurinn í röð þar sem íbúðaverð hækkar meira en um hálft prósentustig milli mánaða.



Þetta kemur fram í nýrri Hagsjá Landsbankans þar sem vísað er í nýbirtar tölur Þjóðskrár Íslands um fasteignaverð.



Í Hagsjánni segir að verð á fjölbýli hækkaði um 0,8% milli september og október en á móti lækkaði verð á sérbýli um 0,5%. Þó er það tekið fram að talsvert flökt geti verið á verðþróun milli einstakra mánaða, sérstaklega á sérbýli, og því sé ekki óalgengt að það mælist af og til lækkun á því milli mánaða.



„Þetta er þriðji mánuðurinn í röð þar sem vegin hækkun íbúðaverðs milli mánaða mælist meira en hálft prósentustig. Það er töluverð breyting frá því sem mældist á vor-og sumarmánuðum þegar fasteignarmarkaðurinn var nær kyrrstæður,“ segir í Hagsjánni en fyrr í vikunni var greint frá því að kaupsamningum á höfuðborgarsvæðinu fjölgaði um 56,1% í október 2019 miðað við október í fyrra.



Þá greindi Landsbankinn frá því í gær að fjöldi viðskipta í október væri sá mesti síðan í júní 2007.



„Það eru því ákveðin teikn á lofti um að spenna sé að aukast á húsnæðismarkaði og eftirspurnin að taka við sér sem að óbreyttu veldur þrýstingi á verðlag. Hækkanirnar eru þó mjög hóflegar enn sem komið er og markaðurinn því nokkuð stöðugur,“ segir í Hagsjá Landsbankans sem lesa má í heild sinni hér.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICESEA
2,41
6
64.330
EIK
1,91
2
20.760
REGINN
1,81
5
14.329
SIMINN
1,79
8
119.224
FESTI
0,74
3
54.472

Mesta lækkun dagsins


Félag
Br.%
Fjöldi
Velta*
ICEAIR
-4,62
11
1.746
LEQ
-3,17
1
495
MAREL
-0,85
6
70.388
ORIGO
-0,66
1
709
EIM
0
2
219
Velkomin á Vísi. Þessi vefur notar vafrakökur. Sjá nánar.