Uber missir starfsleyfið í London
Farveitan Uber hefur misst starfsleyfi sitt í bresku höfuðborginni London.
Sky News greinir frá því að bresk samgönguyfirvöld telji ýmsa bresti í þjónustu veitunnar sem hafi leitt til aukinnar áhættu fyrir farþega.
Uber hefur nú þrjár vikur til að áfrýja málinu og getur starfrækt þjónustuna á áfrýjunartímabilinu. Ákvörðun yfirvalda er þó talin vera mikið áfall fyrir þjónustuna.
Talsmaður samgönguyfirvalda í London segir að þrátt fyrir að Uber hafi brugðist við nokkrum þeim ábendingum sem þeim hafi borist, þyki ekki nóg að gert. Því hafi ekki verið talið rétt að endurnýja starfsleyfið að svo stöddu. Óásættanlegt sé að farþegar geti farið upp í Uber-bíla þar sem farþegar séu mögulega ótryggðir og ekki með starfsleyfi.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
