Khabib og Ferguson mætast líklega í apríl
UFC-aðdáendur fá að öllum langþráðan draum uppfylltan í apríl á næsta ári því þá er stefnt að því að Khabib Nurmagomedov berjist við Tony Ferguson.
UFC stefnir á að hafa það sem aðalbardaga kvöldsins á bardagakvöldi í Brooklyn þann 18. apríl. Dana White, forseti UFC, staðfesti þetta við ESPN.
Khabib er sagður hafa þegar skrifað undir sinn samning og Ferguson mun að öllum líkindum skrifa undir sinn enda á næstunni.
Þetta verður í fimmta sinn sem verður reynt að koma þeim saman í hringinn en það var fyrst reynt árið 2015. Alltaf hefur bardaga þeirra verið frestað. Meðal annars út af meiðslum og vandræðum með niðurskurð.
Khabib er ósigraður á sínum ferli en Ferguson hefur unnið tólf bardaga í röð.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
