Sýning hjá Hard­en í öruggum sigri og vand­ræði Golden Sta­te halda á­fram | Mynd­bönd

James Harden fór á kostum í nótt er Houston vann öruggan sigur á Chicago, 117-94, er liðin mættust í NBA-körfuboltanum í nótt.

Harden gerði sér lítið fyrir og skoraði 42 stig, tók tíu fráköst og gaf níu stoðsendingar. Magnaðar tölur hjá honum í nótt en Russel Westbrook bætti við 26 stigum.

Houston hefur farið vel af stað á leiktíðinni en liðið er með sex sigra í fyrstu níu leikjunum. Gengið hefur hins vegar verið verra hjá Chicago sem er einungis með þrjá sigra í fyrstu tíu leikjunum.

@JHarden13 erupts for 42 PTS, 10 REB, 9 AST in the @HoustonRockets' win vs. Chicago! #OneMissionpic.twitter.com/pEqLRTWE9V

— NBA (@NBA) November 10, 2019

Annað lið sem er í vandræðum er Golden State Warriors. Í nótt töpuðu töpuðu þeir 114-108 fyrir Oklahoma en þetta var þriðja tap í röð og áttunda á tímabilinu í tíu leikjum.

D'Angelo Russell var stigahæstur hjá Warriors með 30 stig en Ítalinn Danilo Gallinari skoraði 21 stig í jöfnu liði Oklahoma. Oklahoma með fjóra sigra í níu leikjum.

D-Lo (30 PTS) banks it home to beat the 3rd Q buzzer! #DubNationpic.twitter.com/ipjPR8zflR

— NBA (@NBA) November 10, 2019

Sigurganga Boston heldur svo áfram en í nótt unnu þeir 20 stiga sigur á San Antonio, 135-115. Þetta var sjöundi sigur Boston í röð.

Öll úrslit næturinnar:

Boston - San Antonio 135-115

New Orleans - Charlotte 115-110

Houston - Chicago 117-94

Golden State - Oklahoma 108-114

Dallas - Memphis 138-122