Fótbolti

Eiður Smári á launum hjá Barcelona til æviloka

Henry Birgir Gunnarsson skrifar
Eiður Smári, Messi og félagar fagna Evrópumeistaratitlinum árið 2009.
Eiður Smári, Messi og félagar fagna Evrópumeistaratitlinum árið 2009. vísir/getty
Barcelona kann að heiðra Evrópumeistarana sína því þeir eru allir sagðir vera á launum hjá félaginu til æviloka.



Svo segir Juan Carlos Heredia, fyrrum leikmaður félagsins, í viðtali við The Tactical Room.



Joan Laporta, fyrrum formaður Barcelona, er sagður hafa tekið þessa ákvörðun eftir að félagið vann Meistaradeildina árið 2009. Ekki bjuggust allir við því að hann myndi standa við stóru orðin en það gerði hann.



Allir sem hafa því verið í Evrópumeistaraliði hjá Barcelona og eru á lífi eru því að fá greiðslu frá félaginu.



Eiður Smári Guðjohnsen var í þessu magnaða liði Barcelona árið 2009 og því enn á launaskrá félagsins.



Ekki er neitt gefið upp um hvaða upphæðir leikmenn eru að fá.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.