Boston Celtics vann tíunda leikinn í röð í NBA deildinni í körfubolta í nótt þegar liðið sigraði Golden State Warriors.

Það hafa verið mikil meiðslavandræði í herbúðum Warriors í upphafi tímabils en sjóðheitt lið Celtics þurfti þó að hafa fyrir sigrinum.

Jayson Tatum kom Boston yfir þegar ein og hálf mínúta var eftir af leiknum og Boston hélt í þá forystu, lokatölur urðu 105-100 fyrir Boston.

The @Lakers and @celtics are the first to 10 wins in the NBA pic.twitter.com/Z9neSiuXuf
— ESPN (@espn) November 16, 2019

Annað lið sem er á mikilli siglingu er Los Angeles Lakers. Lakers vann 99-97 sigur á Sacramento Kings á heimavelli.

LeBron James og Anthony Davis eru orðnir að mjög öflugu pari, þrátt fyrir að hafa aðeins spilað saman í 12 leikjum. Davis átti ekkert sérstakan leik sóknarlega í nótt svo James tók að sér að draga vagninn.

Hann skoraði 29 stig og gaf 11 stoðsendingar.

Það voru þeir tveir sem tryggðu sigurinn. James fór á vítalínuna með 5,5 sekúndur á klukkunni og kom Lakers yfir. Harrison Barnes ætlaði að jafna fyrir Kings þegar tíminn var að renna út en Davis varði skot hans og tryggði 10 sigur Lakers í 11 leikjum.

KING JAMES ON THE ATTACK! @Lakers | #LakeShow pic.twitter.com/5Ruo77u5oq
— NBA (@NBA) November 16, 2019

Úrslit næturinnar:
Charlotte Hornets - Detroit Pistons 109-106
Orlando Magic - San Antonio Spurs 111-109
Houston Rockets - Indiana Pacers 111-102
Oklahoma City Thunder - Philadelphia 76ers 127-119
Memphis Grizzlies - Utah Jazz 107-106
Minnesota Timberwolves - Washington Wizards 116-137
Golden Stae Warriors - Boston Celtics 100-105
Los Angeles Lakers - Sacramento Kings 99-97