Sveik tuttugu og tvo Íslendinga á skömmum tíma á sölusíðum á Facebook Kolbeinn Tumi Daðason skrifar 29. október 2019 08:30 Umræða á Bland.is frá árinu 2013 þar sem notendur vara við Jóni Birki Jónssyni. Bland.is Jón Birkir Jónsson, karlmaður á fertugsaldri búsettur á Akureyri, hefur verið dæmdur í átján mánaða fangelsi fyrir alls tuttugu og tvö fjársvikabrot sem hann framdi á netinu. Brotin voru af svipuðum toga. Hann lofaði einhverri vöru gegn greiðslu. Fólkið greiddi en varan barst aldrei. Alls urðu nítján manns fyrir barðinu á Jóni Birki á innan við einu ári en hann notaði iðulega falskt nafn í samskiptum sínum á netinu. Setti hann sig oftar en ekki í samband við fólk á netinu sem var í leit að vöru. Þóttist hann reglulega heita Sigurður Magnússon og geta reddað viðkomandi á ótrúlega sanngjörnu verði. Jón Birkir á langan brotaferil að baki og hefur samanlagt verið dæmdur í yfir tíu ára fangelsi fyrir alls kyns brot. iPod Nano og miðar á Dimmu Einn notandi auglýsti eftir iPod Nano á netinu sem Jón Birkir hafði svo samband við. Tíu þúsund krónur og málið dautt. Viðkomandi lagði inn á Jón Birki sem afhenti engan spilara. Annar var í dauðaleit að miðum á tónleika hjá Dimmu í Bæjarbíói. Tólf þúsund krónur voru lagðar inn á Jón Birki en engir miðar bárust. Sá þriðji var í leit að nagladekkjum og auglýsti eftir þeim á sölusíðunni Brask og brall á Facebook. Jón Birkir bauð sett til sölu og millifærði viðkomandi þrisvar inn á hann, 43 þúsund krónur í heildina. Engin dekk bárust enda átti Jón Birkir þau ekki til. Sá fjórði féll fyrir sama bragði nema millifærði alls 45 þúsund krónur. Fimmta fórnarlambið bauð konu nokkurri gírkassa í Toyota fólksbíl. Greiðsla barst upp á 35 þúsund krónur en enginn gírkassi. Ekki frekar en í tilfelli konu sem var í leit að nagladekkjum. Jón Birkir seti sig í samband við son hennar og millifærði hún svo 60 þúsund krónur í tveimur greiðslum án þess að verða dekkjum ríkari. Bílvél og gamaldags útvarp Sjöundi aðilinn millifærði tíu þúsund krónur til að tryggja sér rúm sem Jón Birkir þóttist eiga. Sá áttundi millifærði 80 þúsund krónur í von um að fá bílvél frá Jóni Birki. Enga bílvél var að fá frekar en gamaldags útvarp með kassettutæki sem níunda fórnarlambið greiddi 13.500 krónur fyrir. Tíundi aðilinn greiddi 50 þúsund krónur fyrir dekk, sá ellefti 23.680 króna tryggingagreiðslu fyrir kaupum á Renault Kangoo bíl og enn tókst Jóni Birki að nýta sér leit landsmanna að dekkjum þegar hann seldi vespudekk á 12 þúsund krónur án þess að afhenda nokkuð. Tveir aðilar greiddu 30 þúsund krónur fyrir dekk og felgur eftir samskipti á Facebook og sá fimmtándi fékk ekkert róðratæki frá Jóni Birki þrátt fyrir 35 þúsund króna millifærslu. Einn greiddi 45 þúsund krónur fyrir varahluti í bíl, annar 22 þúsund krónur fyrir vetrardekk og enn annar 35 þúsund krónur fyrir Playstation 4 leikjatölvu. Ekkert hljómborð var að fá fyrir 22.500 krónur frekar en varahluti á 35 þúsund krónur. Playstation 4 og matarstell Vongóður aðili um ódýra Playstation 4 tölvu þurfti að sjá á eftir 13 þúsund krónum og kona nokkur sem auglýsti eftir hlutum í matarstell sá á eftir 23 þúsund krónum. Aðeins þrír af 22 aðilum gerðu bótakröfu á hendur Jóni Birki í málinu, sem nam tæplega 70 þúsund krónur af þeim 600 þúsund krónum sem sviknar voru út úr fólki. Jón Birkir játaði sök fyrir dómi. Í dómi Héraðsdóms Norðurlands eystra kemur fram afar langur brotaferill Jóns Birkis fyrir skjalafals, ránstilraun, líkamsárás, umboðssvik, fjársvik og fleira. Dómar sem nema meira en tíu ára fangelsi samanlagt. Var niðurstaðan að átján mánaða fangelsisdómur væri hæfilegur í tilfelli Jóns Birkis sem þarf að endurgreiða þeim þremur fórnarlömbum í málinu sem gerðu kröfu um bætur. Akureyri Dómsmál Netöryggi Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Nefndin aldrei heyrt aðrar eins frásagnir en lítið að gerast Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Sjá meira
Jón Birkir Jónsson, karlmaður á fertugsaldri búsettur á Akureyri, hefur verið dæmdur í átján mánaða fangelsi fyrir alls tuttugu og tvö fjársvikabrot sem hann framdi á netinu. Brotin voru af svipuðum toga. Hann lofaði einhverri vöru gegn greiðslu. Fólkið greiddi en varan barst aldrei. Alls urðu nítján manns fyrir barðinu á Jóni Birki á innan við einu ári en hann notaði iðulega falskt nafn í samskiptum sínum á netinu. Setti hann sig oftar en ekki í samband við fólk á netinu sem var í leit að vöru. Þóttist hann reglulega heita Sigurður Magnússon og geta reddað viðkomandi á ótrúlega sanngjörnu verði. Jón Birkir á langan brotaferil að baki og hefur samanlagt verið dæmdur í yfir tíu ára fangelsi fyrir alls kyns brot. iPod Nano og miðar á Dimmu Einn notandi auglýsti eftir iPod Nano á netinu sem Jón Birkir hafði svo samband við. Tíu þúsund krónur og málið dautt. Viðkomandi lagði inn á Jón Birki sem afhenti engan spilara. Annar var í dauðaleit að miðum á tónleika hjá Dimmu í Bæjarbíói. Tólf þúsund krónur voru lagðar inn á Jón Birki en engir miðar bárust. Sá þriðji var í leit að nagladekkjum og auglýsti eftir þeim á sölusíðunni Brask og brall á Facebook. Jón Birkir bauð sett til sölu og millifærði viðkomandi þrisvar inn á hann, 43 þúsund krónur í heildina. Engin dekk bárust enda átti Jón Birkir þau ekki til. Sá fjórði féll fyrir sama bragði nema millifærði alls 45 þúsund krónur. Fimmta fórnarlambið bauð konu nokkurri gírkassa í Toyota fólksbíl. Greiðsla barst upp á 35 þúsund krónur en enginn gírkassi. Ekki frekar en í tilfelli konu sem var í leit að nagladekkjum. Jón Birkir seti sig í samband við son hennar og millifærði hún svo 60 þúsund krónur í tveimur greiðslum án þess að verða dekkjum ríkari. Bílvél og gamaldags útvarp Sjöundi aðilinn millifærði tíu þúsund krónur til að tryggja sér rúm sem Jón Birkir þóttist eiga. Sá áttundi millifærði 80 þúsund krónur í von um að fá bílvél frá Jóni Birki. Enga bílvél var að fá frekar en gamaldags útvarp með kassettutæki sem níunda fórnarlambið greiddi 13.500 krónur fyrir. Tíundi aðilinn greiddi 50 þúsund krónur fyrir dekk, sá ellefti 23.680 króna tryggingagreiðslu fyrir kaupum á Renault Kangoo bíl og enn tókst Jóni Birki að nýta sér leit landsmanna að dekkjum þegar hann seldi vespudekk á 12 þúsund krónur án þess að afhenda nokkuð. Tveir aðilar greiddu 30 þúsund krónur fyrir dekk og felgur eftir samskipti á Facebook og sá fimmtándi fékk ekkert róðratæki frá Jóni Birki þrátt fyrir 35 þúsund króna millifærslu. Einn greiddi 45 þúsund krónur fyrir varahluti í bíl, annar 22 þúsund krónur fyrir vetrardekk og enn annar 35 þúsund krónur fyrir Playstation 4 leikjatölvu. Ekkert hljómborð var að fá fyrir 22.500 krónur frekar en varahluti á 35 þúsund krónur. Playstation 4 og matarstell Vongóður aðili um ódýra Playstation 4 tölvu þurfti að sjá á eftir 13 þúsund krónum og kona nokkur sem auglýsti eftir hlutum í matarstell sá á eftir 23 þúsund krónum. Aðeins þrír af 22 aðilum gerðu bótakröfu á hendur Jóni Birki í málinu, sem nam tæplega 70 þúsund krónur af þeim 600 þúsund krónum sem sviknar voru út úr fólki. Jón Birkir játaði sök fyrir dómi. Í dómi Héraðsdóms Norðurlands eystra kemur fram afar langur brotaferill Jóns Birkis fyrir skjalafals, ránstilraun, líkamsárás, umboðssvik, fjársvik og fleira. Dómar sem nema meira en tíu ára fangelsi samanlagt. Var niðurstaðan að átján mánaða fangelsisdómur væri hæfilegur í tilfelli Jóns Birkis sem þarf að endurgreiða þeim þremur fórnarlömbum í málinu sem gerðu kröfu um bætur.
Akureyri Dómsmál Netöryggi Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Nefndin aldrei heyrt aðrar eins frásagnir en lítið að gerast Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Sjá meira