Innlent

Umferðin hreyfist ekki í höfuðborginni

Kolbeinn Tumi Daðason skrifar
Svona leit Bústaðavegurinn út á slaginu sex.
Svona leit Bústaðavegurinn út á slaginu sex. Vísir/Vilhelm

Ökumenn á leið heim úr vinnu og í öðrum erindagjörðum hafa fundið fyrir því að umferðin er sérstaklega þung síðdegis í dag. Hringbraut í vesturátt er sérstaklega slæm og teygir umferðin sig langt út á Granda. Framkvæmdir á Bústaðavegi, sem tilkynnt var um 30. ágúst á vef Vegagerðarinnar, gætu átt hlut að máli.

Þau svör fengust hjá slökkviliðinu á höfuðborgarsvæðinu að ekkert slys hefði átt sér stað. Bústaðavegurinn væri leiðinlegur og búið að takmarka umferð um veginn.

„Það er bara allt pikkstopp í bænum,“ sagði starfsmaður slökkviliðsins.

Í tilkynningu um framkvæmdir við lengingu fráfreinar og breikkun rampa á Bústaðavegi frá 30. ágúst segir eftirfarandi: 

Framkvæmdir eru hafnar við breytingar - og breikkun fráreinar til austurs við hlið syðri akreina á Bústaðavegi, þ.e. milli Suðurhlíðar og Kringlumýrarbrautar.  Á þessum kafla verður annarri akrein fyrir umferð til austurs um Bústaðaveg lokað  tímabundið, á meðan á framkvæmdinni stendur. Einnig verður unnið við umferðarljós og breytingar á  akreinum akstursrampa Bústaðavegar, til suðurs að Kringlumýrarbraut  (Hafnarfjarðarvegi (40)).

Framkvæmdir munu standa yfir á þessu svæði nú í haust og eru verklok áætluð 15. nóvember 2019. Vegfarendur eru beðnir að sýna aðgát og virða umferðarmerkingar við akstur um vinnusvæðið.

Hér að neðan má sjá myndir sem teknar eru af umferðinni í Reykjavík nú á sjötta tímanum. Enn voru langar bílaraðir á Miklubraut og Hringbraut, sem og á Bústaðavegi.

Horft yfir Miklubraut klukkan 18:00. Vísir/Tumi
Löng bílaröð á Hringbraut til vesturs klukkan 18:13. Vísir/Tumi

Snærós Sindradóttir, fjölmiðlakona á RÚV, lýsir reynslu sinni af skutli síðdegis í dag.


Umferðin við gatnamót Lönguhlíðar og Miklubrautar klukkan 18:34. Vísir/Stefán Árni

Margrét Erla Maack veltir umferðinni sömuleiðis fyrir sér.



Fréttin hefur verið uppfærð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.