Golf

Guðmundur og Birgir Leifur báðir í gegnum niðurskurðinn

Ástrós Ýr Eggertsdóttir skrifar
Birgir Leifur Hafþórsson er á meðal bestu kylfinga Íslands.
Birgir Leifur Hafþórsson er á meðal bestu kylfinga Íslands. vísir/daníel
Guðmundur Ágúst Kristjánsson og Birgir Leifur Hafþórsson komust báðir í gegnum niðurskurðinn á Open de Bretagne mótinu í Frakklandi sem er hluti af Áskorendamótaröð Evrópu.



Guðmundur Ágúst og Birgir Leifur eru báðir jafnir í 15. - 24. sæti á mótinu eins og er en þegar þetta er skrifað eru flestir kylfingar mótsins búnir að klára annan hringinn í mótinu.



Íslensku kylfingarnir spiluðu á tveimur höggum yfir pari í dag og eru samtals á einu höggi undir pari í mótinu. Niðurskurðarlínan miðast við þrjú högg yfir par.



Birgir Leifur fékk örn á 7. holu á hringnum í dag og þrjá fugla, en hann fékk einnig þrjá skolla og tvo skramba.



Guðmundur Ágúst fékk fjóra fugla, en þrjá skolla og einn þrefaldan skolla á 10. holu.



Josh Geary frá Nýja Sjálandi er í forystu í mótinu á fimm höggum undir pari eftir að hafa farið hringinn í dag á þremur höggum undir pari.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.