Erlent

Tunglfar Indverja komið á sporbaug um tunglið

Gunnar Reynir Valþórsson skrifar
Frá indversku geimferðastofnuninni.
Frá indversku geimferðastofnuninni. Getty/Pallava Bagla

Ómannað tunglfar Indverja er nú komið á sporbaug um tunglið en því var skotið á loft fyrir tæpum mánuði og hingað til hefur aðgerðin tekist vel.

Farið, sem kallað er Chandrayaan -2 tók á loft frá Shriharikota geimferðastöðinni á Indlandi 22. júlí eftir nokkrar tafir vegna tæknilegra örðugleika. Nú er farið komið á sporbaug og er næsta skref að lenda á Suðurpól tunglsins en það yrði í fyrsta sinn sem tunglfar lendir á því svæði.

Búist er við því að lendingin verði sjötta eða sjöunda september næstkomandi, gangi allt að óskum. Þetta er í annað sinn sem Indverjar skjóta fari til tunglsins en í fyrra skiptið var þó ekki um tungllendingu að ræða.

Nú er ætlunin að rannsaka suðurpólssvæðið og leita að vatni og jarðefnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.