Á annan hundrað látnir í monsún­stormum á Ind­landi

Talið er að allt að 165 manns hafi látist og hátt í milljón þurft að yfirgefa heimili sín vegna flóða í suðurhluta Indlands.

Líklegt er að tala látinna muni hækka enn meira en björgunarsveitarmenn leita nú að mögulegum eftirlifendum á flóðasvæðunum.

Á sunnudag sögðu yfirvöld að minnst 147 væru látnir en fregnir hafa borist af því að látnir séu 165.

Sjá einnig: Nærri 100 látnir í Ind­landi vegna monsún storma

Monsún rigningar hafa staðið yfir í Kerala í fjóra daga og hafa þó nokkrar aurskriður fallið. Í Kerala hafa minnst 76 látið lífið.

#WATCH A crocodile lands on roof of a house in flood-affected Raybag taluk in Belgaum. #Karnataka (11.08.19) pic.twitter.com/wXbRRrx9kF

— ANI (@ANI) August 12, 2019

Björgunaraðgerðir munu halda áfram á einhverjum svæðum ríkisins en minnst 200 þúsund manns hafa verið færðir í neyðarbúðir.

Enn er um 50 manns saknað samkvæmt fréttaflutningi Financial Express og hefur svokölluð appelsínugul veðurviðvörun verið gefin út í sex héruðum.