Lífið kynningar

Sex tonn af hindrunum í Laugardal

Gung-Ho kynnir
Walking On The Moon er stærsta hindrunin, engin smásmíði.
Walking On The Moon er stærsta hindrunin, engin smásmíði.

Í gær hófst uppsetning á uppblásnum hindrunum sem dreift verður víðsvegar um Laugardalinn vegna Gung-Ho skemmtihlaupsins sem fram fer á morgun. Alls eru hindranirnar sex tonn að þyngd og kom búnaðurinn til landsins í síðustu viku frá Danmörku.

Gung-Ho er fimm kílómetra langt skemmtihlaup þar sem þátttakendur fara í gegnum 10 risastórar hindranir sem öllum á að vera fært að takast á við enda meira til gamans gert heldur en að reyna á líkamlega getu þátttakenda.

Klippa: 33 milljón fótbolta hindrun


Þrautirnar eru af ýmsum stærðum og gerðum. Stærsta þrautin ber heitið Walking On The Moon og stærsta uppblásna hindrun í heiminum enda tæpir 400 fermetrar og 2.000 rúmmetrar að stærð.  Það þarf jafnmikið loft til að blása upp Walking on the moon eins og það tekur að blása lofti í 33 milljónir fótbolta. Á meðfylgjandi myndbandi má sjá skemmtilega loftmynd af því þegar starfsmenn Gung-Ho blésu miðjuhluta hindrunarinnar upp.

Búast má við allt að 5.000 þátttakendum í Gung-Ho í ár en rúmlega 4.000 manns hafa nú þegar skráð sig til leiks á viðburðinn og orðið uppselt í 10 af 17 ráshólfum í Gung-Ho.

Hlaupaleiðin í Laugardalnum

Start og endamark Gung-Ho! verður á grassvæðinu fyrir neðan Áskirkju við Laugarásveg og ofan við gömlu þvottalaugarnar. Byrjað verður á þrautinni Start me up í upphafi hlaups og þaðan farið norður í átt að tjaldsvæðunum í Laugardal, út á gangstéttina við Sundlaugaveg og aftur inn í Laugardalinn við austurenda Laugardalslaugar þaðan sem hlaupið er með fram World Class og komið að þrautinni Day Tripper. Svo er hlaupið út fyrir Laugardalsvöllinn og komið að þrautinni Can I kick it áður en hlaupið er í átt að Laugardalshöllinni, farið yfir Engjaveginn og svo til vesturs í átt að Reykjavegi þar sem komið er að þrautinni Born slippy. Að henni lokinni er hlaupið á göngustígnum fyrir neðan Suðurlandsbrautina í átt að Glæsibæ. Fyrir ofan Laugardalshöllina fara þátttakendur í gegnum þrautina Surfin’ og halda svo áfram áleiðis í átt að grassvæðinu til móts við Glæsibæ þar sem þeirra bíður þrautin Maniac. Að henni lokinni er hlaupið utan með Fjölskyldu- og húsdýragarðinum  í átt að þrautinni Under pressure við rætur Holtavegar. Þaðan er hlaupið inn í Grasagarðinn þar sem finna má þrautirnar The Wall og Walking on the moon sem er tæpir 400 fermetrar að stærð, áður en hlaupið er aftur inn í endamarkið þar sem lokaþrautin The Final Countdown endar fjörið með þátttakendum.
Þeim sem koma akandi á viðburðinn er bent á bílastæði í nágrenninu en næg bílastæði má t.d. finna við Holtaveg, Langholtsskóla, KFUM/K, Glæsibæ og Suðurlandsbraut. Að gefnu tilefni er bent á að ekki er ætlast til að bílum sé lagt við Laugarásveginn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.