Suður-Kórea ekki lengur á „hvítum lista“ Japans

Japan hefur ákveðið að fjarlægja Suður-Kóreu af lista sínum yfir viðskiptafélaga sem er treystandi. Mikil spenna hefur verið á milli ríkjanna undanfarið. Frá þessu er greint á vef breska ríkisútvarpsins.

Ákvörðuninni til að fjarlægja Suður-Kóreu af svokölluðum „hvítum lista“ munu fylgja viðskiptahömlur við landið.

Moon Jae-in, forseti Suður-Kóreu, gagnrýndi á föstudag „sjálfselska“ ákvörðun yfirvalda í Tókýó og hótaði mögulegum hefndaraðgerðum.

Deilurnar hafa valdið truflun í viðskiptum á tæknivörum og hafa margir í tæknigeiranum áhyggjur af því að hann muni líða fyrir það.

Deilurnar kviknuðu vegna diplómatískrar spennu sem orsakaðist af dómi sem féll sem skyldaði Japan til að greið Suður-Kóreu bætur fyrir þrælkunarvinnu Suður-Kóreumanna fyrir Japan í seinni heimsstyrjöld.

Japan segir að ráðstafanirnar séu vegna áhyggja yfir þjóðaröryggi landsins og nefndu einnig ófullnægjandi takmarkanir í útflutningi.

Á ríkisstjórnarfundi sem var sjónvarpað sagði Moon að „sjálfselsk ákvörðun [Tókýó] muni hafa alvarleg áhrif á hagkerfi heimsins vegna truflunar á alþjóðlegum flutningsleiðum.“

„Ábyrgðin á því sem kemur næst liggur bara á herðum japanskra yfirvalda.“

Ráðandi flokkurinn í Suður-Kóreu, Demókrataflokkurinn, lýsti ákvörðun Japan sem „alhliða yfirlýsingu efnahagslegs stríðs.“