Innlent

Engin ný tilfelli af E. coli

Sunna Kristín Hilmarsdóttir skrifar
E.coli bakterían er rakin til Efstadals II í Bláskógabyggð.
E.coli bakterían er rakin til Efstadals II í Bláskógabyggð. vísir/mhh

Engin ný tilfelli af E. coli greindust í dag þegar saursýni frá fimmtán einstaklingum voru rannsökuð með tilliti E. coli-sýkinga. Enginn greindist með sýkinguna að því er fram kemur á vef landlæknis.

Fyrir helgi var greint frá því að sterkur grunur léki á að rúmlega þriggja ára gamalt barn væri með E. coli-sýkingu.

Svo reyndist vera en barnið hafði borðað ís í Efstadal II fyrir um þremur vikum auk þess að hafa umgengist sýktan einstakling fyrir einni til vikum. Barninu heilsast vel og verður í eftirliti á Barnaspítala hringsins.

Þá lék grunur á að bandarískt barn væri með E. coli-sýkingu en svo reyndist ekki vera samkvæmt rannsóknum í Bandaríkjunum.

Það hafa því 22 einstaklingar greinst með E. coli-sýkingu, þar af tveir fullorðnir og tuttug börn.

Annar hinna fullorðnu borðaði ís í Efstadal II 8. júlí en enginn annar tengist Efstadal II eftir 4.-5. júlí.

Þá hófust fyrri aðgerðir sem miðuðu að því að rjúfa smitleiðir. Seinni aðgerðir í Efstadal hófust 18.-19. júlí og eftir þann tíma hafa engir einstaklingar greinst.

Rannsóknir í Efstadal II hafa enn ekki sýnt með óyggjandi hætti hvernig E. coli-sýkillinn barst í einstaklingana sem veiktust.

Allir einstaklingarnir áttu það hins vegar sameiginlegt að hafa borðað ís í Efstadal fyrir utan eitt barn sem virðist hafa smitast af systkini.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.