Haukar til Tékklands og FH mætir belgísku liði
FH, Haukar og Selfoss fengu að vita hverjir yrðu mótherjar þeirra í fyrstu umferðum EHF bikarsins í handbolta á næsta tímabili.
Hafnarfjarðarliðin hefja keppni strax í fyrstu umferð en Íslandsmeistarar Selfoss koma inn í annarri umferð.
FH dróst gegn belgíska liðinu Vise BM og Haukar fara til Tékklands og mæta Talent Plzen.
Fyrri leikir liðanna fara fram um mánaðarmótin ágúst og september og þeir seinni viku síðar.
Selfyssingar mæta annað hvort Malmö eða Spartak Moskvu í annarri umferð.
Fari svo að FH komist áfram mætir það norska liðinu Arendal í annarri umferð. Haukar fá Hapoel Ashdod frá Ísrael nái þeir að leggja Talent Plzen að velli.
Einnig var dregið í EHF keppni kvenna. Íslands- og bikarmeistarar Vals mæta sænska liðinu Skuru en landsliðskonan Eva Björk Davíðsdóttir gekk á dögunum til liðs við Skuru.
Here's how Round 2 of the Men's #EHFCup looks, check the tweet above to see the who faces-off in Round 1 pic.twitter.com/KFfxXbbXRf
— EHF European Cup (@ehf_ec) July 16, 2019
Tengdar fréttir
Selfyssingar reiðir: Fáranleg framkoma við íslenskan handbolta
Handknattleikssamband Evrópu, EHF, tilkynnti í morgun hvaða lið myndu spila í Meistaradeildinni á næstu leiktíð og þar er ekkert pláss fyrir Íslandsmeistara Selfoss. Menn þar á bæ eru eðlilega ekki sáttir.
