David Duval var einu sinni efsti maður heimslistans í golfi og hann vann Opna breska risamótið árið 2001. Hann er enn í fullu fjöri en það eru þó litlar líkur á að hann bæti öðrum titli af Opna breska við safnið um helgina.

Duval byrjaði hringinn á Royal Portrush vellinum í dag með ágætum, fékk fugla á fyrstu tveimur holunum og var í þokkalegum málum.

Á fimmtu holu fór að halla undan fæti, hann fór par fjögur holuna á átta höggum, fékk skolla á sjöttu holu og svo km að sjöundu holunni þar sem hann þurfti hvorki meira né minna en 13 högg til þess að klára holuna.

David Duval is now down for a 13 on the seventh hole.

That is the highest score at The Open since at least 1983 (when the TOUR started keeping hole-by-hole records).

The previous high was 11. That was accomplished by four players. Henrik Stenson (2011) was the most recent.
— Sean Martin (@PGATOURSMartin) July 18, 2019

Vandræðin byrjuðu hjá Duval þegar hann lék vitlausum bolta. Fyrir það er tveggja högga refsing. Ófarirnar héldu svo áfram og gekk honum illa að koma boltanum alla leið í holuna, en sjöunda holan er par fimm hola og því með þeim lengri á vellinum.

Duval getur þó huggað sig við það að hann er ekki atvinnumaður í fullu starfi, hann er lýsandi á bandarísku sjónvarpsstöðinni Golf Channel og keppir sem hlutastarf með því.

Good news: David Duval birdies first two holes at #TheOpen
Bad news: David Duval takes a 13 at the Par 5, 7th after playing the wrong provisional ball off the tee. #whoops
— Hugh Burrill (@hughwburrill) July 18, 2019