Innlent

Földu umtalsvert magn af tóbaki í hurðum

Jóhann K. Jóhannsson skrifar
Eins og sjá má hafði sígarettum í söluumbúðum verið haganlega komið fyrir í hurðaflekunum.
Eins og sjá má hafði sígarettum í söluumbúðum verið haganlega komið fyrir í hurðaflekunum. Tollgæslan
Tollverðir lögðu í gær hald á umtalsvert magn tóbaks og annan varning sem tilraun var gerð til að smygla inn til landsins með Norrænu. Um var að ræða sígarettupakkningar sem komið hafði verið fyrir í nokkrum hurðaflekum og pakkað inn í söluumbúðir. Málið kom upp þegar ferjan kom til landsins.



Haganlega hafði verið gengið frá þannig að ekki var að sjá ummerki um að átt hefði verið við hurðaflekana né umbúðir þeirra. Einn maður var kærður vegna málsins og greiddi hann sekt upp á 1,4 milljónir króna. Málið telst upplýst.



Undanfarið hafa tollverðir lagt hald á ólöglega innflutta stera í þremur aðskildum málum sem hafa komið upp við komu Norrænu til landsins. Lagt var hald á um tuttugu þúsund töflur í föstu formi og tæpa þrjá lítra í fljótandi formi. Málin eru enn til rannsóknar.

Eins og sjá má eru sígaretturnar vel faldarTollgæslan
Sterar sem lagt hefur verið hald áTollgæslan



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.