Lífið

Júlíspá Siggu Kling - Nautið: Þetta verður sigurtímabilið þitt

Sigga Kling skrifar

Elsku Nautið mitt, þú ert svo skemmtileg og heillandi persóna og reynir þitt besta til að standa við allt sem þú segir, og þannig finnur þú tilveru í góðu jafnvægi og nærir sálina þína. Og þó það komi fyrir þú getir ekki bjargað öllu eða öllum, þá skaltu muna þessa setningu: Það er bannað að dæma og það á þá að sjálfsögðu líka sjálfan þig. Um leið og þú segir upp þessu dómarastarfi og ferð að standa með þér sérðu miklu betur að þú ert fyrirliðinn í þínu lífi, því þegar dómarinn er farinn vinnurðu leikinn og það er ekkert sem drepur þig, þú lendir alltaf á löppunum þó það sé á síðustu stundu.

Þessi tími sem þú ert að fara í verður sigurtímabilið þitt, þú sérð það er margt sem þarf að bíða, og það er margt sem þú ætlaðir þér að byggja upp, en þú þarft að bíða og sýna þolinmæði, sem er kannski ekki þinn sterkasti þáttur. Ég er sjálf Naut og hef enga þolinmæði, allt þarf að gerast strax, en þolinmæði getur líka verið ókostur, því þú getur átt það til að láta erfiða hluti ágerast svo árum skiptir án þess að taka í taumana, en þegar þú tekur í taumana þá breytirðu öllu.

Þú ert svo dásamlegur lífsförunautur, en verður ekki oft ástfanginn á þinni ævi því þú metur svo mikið trygglyndið og leyfir þér ekki að verða ástfanginn ef þú ert ekki 100% viss. En taktu því frekar áhættu þó þú ímyndir þér kannski að þér verði hafnað því þú átt eftir að sjá eftir því sem þú gerðir EKKI en því sem þú gerðir!

Þú ert á mjög góðu tímabili og þó þér finnist það séu erfiðleikar í kringum þig þá er alheimurinn að senda þér skilaboð í gegnum þessa erfiðleika að lífið hafi upp á miklu meira að bjóða og færa þér tækifæri til að sanna þig fyrir sjálfum þér og öðrum.

Knús og kveðja, þín Sigga Kling

Eliza, Ólafur, Halldór, Aron, Garðar og Katrín. Vísir/Getty/FBL

Naut 20. apríl - 20. maí

Aron Einar Gunnarsson fyrirliði íslenska knattspyrnulandsliðsins, 22. apríl
Hannes Þór Halldórsson markvörður, 27. apríl 
Guðrún Veiga Guðmundsdóttir, rithöfundur og latikokkur, 21. apríl 
Ólafur Ragnar Grímsson, fyrrum forseti, 14. maí 
Halldór Laxness, rithöfundur og skáld, 23. apríl 
Rúnar Freyr Gíslason leikari, 29. apríl 
Garðar Thor Cortes söngvari, 2. maí 
Helga Möller söngkona, 12. maí 
Katrín Tanja Davíðsdóttir crossfit-meistari, 10. maí 
Pétur Jóhann Sigfússon, 21. apríl 
Davíð Rúnar Bjarnason, boxari, 5. maí 
Eliza Reid, forsetafrú, 5. maí 
Dóri DNA, grínisti, 16. maí 
Eva Laufey Kjaran, sælkeri, 16. maí 
David Attenborough, náttúruvísinda- og sjónvarpsmaður, 8. maí



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.