Innlent

Börn úr þremur fjölskyldum uppfylla skilyrði nýrrar reglugerðar

Andri Eysteinsson skrifar
Útlendingastofnun segir reglugerðina ná til sex barna.
Útlendingastofnun segir reglugerðina ná til sex barna. Vísir/Vilhelm
Útlit er fyrir að sex börn í þremur fjölskyldum uppfylli tímaskilyrði nýrrar reglugerðar sem dómsmálaráðherra setti síðastliðinn föstudag. Upplýsingafulltrúi Útlendingastofnunar greinir frá þessu í svari við fyrirspurn fréttastofu Stöðvar 2, Bylgjunnar og Vísis. Annaðhvort uppfylla börnin skilyrðið nú þegar eða mun gera það á næstu dögum.

Útlit er fyrir að sex börn í þremur fjölskyldum uppfylli tímaskilyrði nýrrar reglugerðar sem dómsmálaráðherra setti síðastliðinn föstudag. Upplýsingafulltrúi Útlendingastofnunar greinir frá þessu í svari við fyrirspurn fréttastofu Stöðvar 2, Bylgjunnar og Vísis. Annaðhvort uppfylla börnin skilyrðið nú þegar eða mun gera það á næstu dögum.

Breytingarnar fólu í sér að Útlendingastofnun sé nú heimilt á grundvelli sérstakrar beiðni eða að eigin frumkvæði, að taka til efnismeðferðar umsókn barns sem hefur fengið vernd í öðru ríki, séu meira en tíu mánuðir liðnir frá því að umsókn barst íslenskum stjórnvöldum. Fyrir breytingar voru mánuðirnir tólf.

Tvær fjölskyldur hafa notið góðs af breytingunni því mál Safari og Sarwary fjölskyldnanna, sem vísa átti frá landi fyrir helgi, munu verða tekin til efnislegrar meðferðar.

Logi Einarsson formaður Samfylkingarinnar hefur sagt viðbrögð ráðherra vegna flóttabarna af hinu góða en þau dugi skammt, meira þurfi til.

Atli Viðar Thorstensen, sviðsstjóri á hjálpar og mannúðarsviði Rauða krossins sagði í viðtali við Stöð 2 að hann teldi breytinguna til hins góða en áréttaði að hún komi ekki í veg fyrir að börnum, sem fengið hafa vernd, verði vísað til Grikklands.


Tengdar fréttir

Verður ekki vísað úr landi

Mál Sarwary-feðganna og Safari-fjölskyldunnar falla undir reglugerðina, sem hefur þegar tekið gildi, að sögn lögmanns þeirra, Magnúsar D. Norðdahl.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.